पुष्कर भट्ट, महेन्द्रनगर ।
कञ्चनपुरमा एक जना प्रहरी हवल्दारको दुर्घटनामा मृत्यु भएको छ । बेदकोट नगरपालिका–१ चम्पापुर चोक नजिक ट्रकले मोटरसाइकलाई ठक्कर दिँदा हवल्दार राम बहादुर विष्टको मृत्यु भएको हो ।

झलारीबाट महेन्द्रनगर आउँदै गरेका विष्ट सवार लु १२ प ५१५ नम्बरको मोटरसाइकललाई से १ च १४०६ नम्बरको ट्रकले ठक्कर दिएको थियो । विष्टको घटनास्थलमै मृत्यु भएको जिल्ला प्रहरी कार्यालय कञ्चनपुरका प्रवत्ता एवम प्रहरी नायव उपरिक्षक अमर बहादुर थापाले बताए ।

भीमदत्त नगरपालिकाको झोलुङ्गे अस्थायी प्रहरी चौकीमा कार्यरत मृतक बिष्ट शुक्लाफाँटा नगरपालिका–११ का बासिन्दा रहेको बताइएको छ । मृतकको शव महाकाली उपप्रादेशिक अस्पतालमा राखिएको छ भने ठक्कर दिने ठक्कर दिने ट्रकका चालक गोदावरी नगरपालिका–१ का २८ वर्षीय यज्ञराज भट्टलाई प्रहरीले नियन्त्रणमा लिएको छ।