धनवीर पुन, नयाँ दिल्ली ।
मूल प्रवाह अखिल भारत नेपाली एकता समाज मध्य पश्चिम भारत क्षेत्रीय समिति अन्तर्गत अलिबाग नगर समितिले संघीयता विरुद्ध ऐक्यवद्धता सभा सम्पन्न गरेको छ ।
स्वदेशमा राष्ट्रिय जनमोर्चाद्वारा घोषणा गरिएको संघीयता विरुद्धको सभाप्रति ऐक्यवद्धता प्रकट गर्दै आइतबार मूल प्रवाहले सभाको आयोजना गरेको हो ।
कार्यक्रममा मूल प्रवाहका केन्द्रीय सदस्य तथा क्षेत्रीय अध्यक्ष खुमबहादुर पुन, क्षेत्रीय सदस्य तेजबहादुर थापा र रमेश दर्लामीले मन्तव्य राख्दै संघीयता खारेजीका लागि विदेशमा रहेका नेपालीहरुले आ –आफ्नो स्थानबाट संघर्ष गर्नुपर्नेमा जोड दिनुभयो ।
खिमबहादुर पल्लिको अध्यक्षता तथा चित्र बहादुर थापाको सञ्चालनबाट अगाडि बढेको कार्यक्रममा नुमान थापाले स्वागत गर्नुभएको थियो ।
आज राष्ट्रिय जनमोर्चाले देशभर संघीयता विरुद्ध जनसभा गर्दैछ भने भारत लगायत प्रवासमा रहेका नेपालीहरुले ऐक्यवद्धता सभाको आयोजना गरिरहेका छन् ।
