काठमाडौं । अखिल नेपाल युवक संघका उपाध्यक्ष मुकुन्द रोका जिप दुर्घटनामा परी घाइते हुनु भएको र उहाँकी जिवनसाथी जमुना रोकाको मृत्यु भएको खबरले स्तब्ध बनाएको दक्षिण कोरिया नेपाली एकता समाजले जनाएको छ ।
समाजका अध्यक्ष विदुर शर्माले एक विज्ञप्ति प्रकाशित गरी युवक संघका उपाध्यक्ष मुकुन्दको शिघ्र स्वास्थ्यलाभको कामना गर्दै मृतकप्रति भावपूर्ण श्रद्धाञ्जली व्यक्त गर्नुभएको छ ।
यस्तै, जापान नेपाली एकता समाजले पनि वक्तव्य प्रकाशित गरी रोकाको सिघ्र स्वास्थ्य लाभको कामना गरेको छ ।
मंसिर १० गते लु १ च ९७३१ नम्बरको जीपमा प्यूठानदेखि काठमाडौं आउने क्रममा चितवनको मुग्लिन– कुरिनटार सडक खण्डमा उक्त जिप दुर्घटना भइ त्रिशुली नदीमा खसेको थियो ।
दुर्घटनामा परी उपाध्यक्ष रोका घाइते हुनुभएको छ भने श्रीमती जमुना, गाडी चालक सूर्य केसीको मृत्यु भएको छ । रोकाकी छोरी जेनिसा बेपत्ता छिन् ।
