खिमराज चालिसे, चंडिगढ ।
भारतको चंडिगढमा तिहारको शुभकामना तथा देउसी भैलो कार्यक्रमको समिक्षा गरिएको छ । समिक्षासँगै देउसी भैलो कार्यक्रमको समापन भएको मूल प्रवाह अखिल भारत नेपाली एकता समाजले जनाएको छ ।
कोरोना संक्रमणका कारण अगुवा कार्यकर्ताहरु सहभागी हुने गरि ०७७ को तिहारको शुभकामना आदानप्रदान कार्यक्रमको समिक्षा गरिएको हो । कार्यक्रममा विभिन्न वक्ताहरुले देउसी भैलोको अनुभव बताउनुभएको थियो ।
नगर अध्यक्ष मानबहादुर केसीको अध्यक्षता तथा सचिव तेजबहादुर रोकाको सञ्चालनमा अगाडि बढेको कार्यक्रममा उपाध्यक्ष वालाराम न्यौपानेले स्वागत गर्नु भएको थियो ।
समारोहमा तिहारको समयमा भैलो खेल्न नसकेपनि शुभकामना आदानप्रदानको समयमामा कार्यकर्ता समर्थक, शुभचिन्तकहरुबाट प्राप्त सहयोगको विषयमा नगर कोषाध्यक्ष किसन खनालले स्पष्ट पार्नुभएको थियो ।
कार्यक्रममा मूल प्रवाह केन्द्रीय सदस्य दिनेश खडका, केन्द्रीय सल्लाहकार एवं युगदर्शन सम्वाददाता खिमराज चालिसे, सुदूरपश्चीमोत्तर क्षेत्रीय सदस्य प्रेम आचार्य, सुदूरपश्चीमोत्तर क्षेत्रिय सदस्य तथामहिला क्षेत्रीय सचिव जुना चालिसे, समता केन्द्रीय विभागका बिनु नेपाली, महिला क्षेत्रीय सदस्य सिमा खडका, जनजाति विभागका थमन थापा, रक्तिम विभागका अर्जुन विक, विद्यार्थी केन्द्रीय सदस्य विष्णु वेल्वासे, नगर सचिव राम पन्थी लगाएतका वक्ताहरुले आफ्नो अनुभव प्रस्तुत गर्नुका साथै सांस्कृतिक कार्यक्रमको महत्वबारे प्रष्ट पार्नुभएको थियो ।
अभियान सहितको शुभकामना आदानप्रदानको समिक्षा रिपोर्ट विभिन्न एरियावाट प्रस्तुत गरिएको थियो । जस अनुसार मोहाली एरिया अध्यक्ष बालाराम न्यौपाने, सिटि एरिया अध्यक्ष दुर्गा विक, पंचकुला एरिया अध्यक्ष सुरेश आचार्य, इन्डस्ट्रीयल एरिया सचिव थानेश्वर पाण्डे, मध्यसिटि एरियावाट विष्णु वेल्वासे लगाएत हुनुहुन्थ्यो ।
