धनवीर पुन, नयाँ दिल्ली ।
मूल प्रवाह अखिल भारत नेपाली एकता समाज पश्चिम भारत क्षेत्रीय समिति अन्तरगत किम नगर समितिको पुनर्गठन गरिएको छ । समितिका अधिकांश सदस्यहरु स्वदेश फर्कने भएपछि भेला गरी समिति पुनर्गठन गरिएको हो ।
भेलाले कृष्ण अधिकारीको अध्यक्षतामा किम नगर समिति पुनर्गठन गरेको छ । जसमा उपाध्यक्ष– मन्दिर तामाङ, सचिव– जगत शाही, सहसचिव– सुमन तमाङ, कोषाध्यक्ष– प्रेम तमाङ तथा सदस्यहरुमा सीता शाही, सीता खनाल, तेज रेग्मी, पूर्ण खनाल, पर्वत तमाङ, जीवन शाही, वैकल्पिक सदस्य सीता मुखिया र गंगा रेग्मी रहनुभएको छ ।
त्यस्तै भेलाले आशिष राई, टेक राना र रेखा रानालाई सल्लाकार चयन गरेको छ । नयाँ समितिलाई क्षेत्रीय अध्यक्ष वेद बहादुर काकीले बधाई तथा शुभकामना दिनुभएको थियो ।
जगत शाहीको सञ्चालन, कृष्ण अधिकारीको अध्यक्षतामा अगाडि बढेको सो कार्यक्रममा कार्यक्रममा सहभागिहरुलाई सुमन तमाङले स्वागत गर्नुभएको थियो ।
