खिमराज चालिसे, चंडिगढ ।
कोरोना संक्रमणको जोखिमकाबीच पनि मूल प्रवाह अखिल भारत नेपाली एकता समाजले तिहारका अवसरमा भारतका विभिन्न स्थानमा देउसी भैलो खेलेको छ ।
जनताको घरदैलोमा देउसी भैलोको शुभकामना दिँदै राष्ट्रियता, जनतन्त्र र जनजीवीकाको सवालमा आवाज बुलन्द पार्न प्रवासका गल्ली–वस्तीहरुमा मूल प्रवाहका कार्यकर्ता परिचालित भएका थिए ।
मूल प्रवाहका कार्यकर्ताहरुको उत्साह र प्रवासी नेपालीहरुको न्यानो माया र समर्थनबीच मूल प्रवाह नगर समिती जालन्धरले २०७७ को भैलो समापन कार्यक्रम भव्य रुपमा सम्पन्न गरेको छ ।
नेपाली संस्कृती तथा परम्परालाई झल्काउने गरी प्रवासका गल्लीहरुमा चार दिनदेखि शुभकामना आदान प्रदान गरी देउसी भैलो खेलिएको हो । नगरका विभिन्न १० स्थानमा सानो–सानो समूह बनाएर खेलिएको देउसीभैलोको कार्यक्रम मंगलबार मध्यरातमा समापन गरिएको छ । सो कार्यक्रम मूल प्रवाहका केन्द्रीय सदस्य कुलबहादुर बगालेको घर आँगनमा समापन गरिएको थियो ।
मधुकर भण्डारीको सञ्चालन तथा जितमान थापाको अध्यक्षतामा सम्पन्न समापन कार्यक्रममा मूल प्रवाह केन्द्रीय सदस्य लक्ष्मण खड्काले गहकिला विचारसहित शुभकामना दिनुभएको थियो ।
बधाई तथा शुभकामना दिने अन्य वक्ताहरुमा केन्द्रीय सदस्य कुलबहादुर बगाले, केन्द्रीय महिला विभाग सदस्य शुष्मा खडका, महिला क्षेत्रीय काबा संयोजक मिना बगाले, हिम प्रसाद सुनाम, दिल बहादुर गाहा, जमुना गाहा, मीना थापा, धन बहादुर गोर्खाली, वासुदेव पौडेल, जीवन नेपाली, माया परियार लगायत हुनुहुन्थ्यो ।
यसैगरि नेपाली एकताका रिपोर्टर सिर्जना बगाले, नगर सचिव दिल बहादुर गाहा, सिर्जना थापा तथा कलाकारहरु लक्ष्मी परियार, शान्ति बिक, अन्जली सुनाम, अनिता सुनाम, कविता थापा, चादनी थापा, ज्ञानु थापा, विवेक थापा, शिखर गाहा, प्रकाश गाहा, लगायतले स्पेसल मगर ड्रेस बनाई भैलो खेल्नु भएको थियो।
केन्द्रीय सदस्य कुल बहादुर बगालेले दिनुभएको जानकारी अनुसार ४ दिनको भैलोमा तिल बहादुर थापा, राम बहादुर दर्लामी, खेम बसेल, अमित बिक, चक्र बहादुर घर्ती, शेर बहादुर पुन, केशव खनाल, सन्जित बस्याल, राजेन्द्र थापा र प्रबिन कुमारले सेनिटाइजर तथा मास्क प्रयोगमा गर्न र गराउन तथा मेसमा तिल बहादुर थापा, रामबहादुर बगाले, यमबहादुर थापा, राजेन्द्र थापाले स्वयंसेवकको भूमिका निभाउनु भएको थियो ।
