रामप्रसाद पराजुली/कतार ।।
कतार नेपाली एकता समाजको अध्यक्षमा विष्णु थापा चयन हुनुभएको छ । राष्ट्रिय सम्मेलनद्वारा निर्वाचित अध्यक्ष हेमन्त वाइबा स्वदेश फर्किनुभएपछि भएको रिक्त स्थानमा थापा चयन हुनुभएको हो ।
केही समयअघि बसेको केन्द्रीय समितिको बैठकले रिक्त पदाधिकारी नियुक्त गर्दै पदपूर्ति गरेको हो ।
महासचिव खिम बुढाद्वारा प्रसारि प्रेसविज्ञप्तिका अनुसार कोभिड–१९ र अन्य कारणले जन्मभूमि नेपालबाट कर्मभूमि कतार फर्किन नसकी संस्थामा अनुपस्थित रहनुभएका सदस्यहरूको रिक्त पदमा कतार नेपाली एकता समाजको १३ नोभेम्बर २०२० मा बसेको सातौँ पूर्ण बैठकले नयाँ सदस्यहरूलाई नियुक्त गरी पदपूर्ति गर्ने निर्णयानुरूप अध्यक्षमा बिष्णु थापा क्षेत्रीलाई नियुक्त गरिएको छ ।
त्यसैगरी अन्य पदाधिकारीमा प्रथम उपाध्यक्षा रामइन्दल थिङ, कोषाध्यक्षमा लक्ष्मण कोइराला र सचिवमा रामप्रसाद पराजुलीलाई नियुक्त गरिएको छ । साथै सचिवालय सदस्यमा टुक थापा र सल्लाहाकारमा लीलाकान्त चालिसे र तेजवीर घर्तीलाई नियुक्ति गरिएको छ ।
पदादिकारीहरुको परिवर्तनसँगै कतार नेपाली एकता समाज अझै सक्रिय भएर अगाडि बढ्ने जानाकारी अध्यक्ष बिष्णु थापा क्षेत्री दिनुभएको छ ।
