काठमाडौं । अखिल नेपाल राष्ट्रिय स्वतन्त्र विद्यार्थी युनियन (छैठौं) का अध्यक्ष विमल पोखरेलले देशको नाम ‘संघीय गणतन्त्रतात्मक देश नेपाल’ लेख्नुपर्ने मागप्रति आपत्ति जनाउनुभएको छ ।
पूर्व प्रधानमन्त्री बाबुराम भट्टराईले सामाजिक सञ्जाल ट्वीटरमा नेपालको नाम ‘संघीय गणतन्त्रतात्मक देश नेपाल’ रहेकोमा त्यसबाट सरकार पछि हटेको भन्दै प्रतिवाद गर्न आग्रह गरेका थिए ।
भट्टराईको भनाइलाई विद्यार्थी नेता पोखरेललले ‘विखण्डनकारीको नाटक’ को संज्ञा दिनुभएको छ ।
भट्टराईप्रति कटाक्ष गर्दै पोखरेलले लेख्नुभएको छ, ‘देशको नाममा विखण्डनकारीहरुले फेरि नाटक सुरु गरेछन् । देशमा राजतन्त्र हुँदा ‘रातन्त्रात्मक देश नेपाल’ थियो ? एकात्मक हुँदा देशको नाम ‘एकात्मक देश नेपाल’ थियोे ? संघीयतामा लैजाँदैमा ‘संघीय गणतन्त्रतात्मक देश नेपाल’ राख्नुपर्ने ? विखण्डनकारी र भुँइफुट्टा राजनीतिलाई परास्त गरौं ।’
देशको नाममा विखण्डनकारीहरुले फेरि नाटक सुरु गरेछन् । देशमा राजतन्त्र हुँदा “रातन्त्रात्मक देश नेपाल” थियो ? एकात्मक हुँदा देशको नाम “एकात्मक देश नेपाल” थियोे ?
संघीयतामा लैजाँदैमा “संघीय गणतन्त्रतात्मक देश नेपाल” राख्नुपर्ने ? विखण्डनकारी र भुँइफुट्टा राजनीतिलाई परास्त गरौं ।
— Bimal Pokharel (@bimalwin) November 6, 2020
सरकारले हालै ‘संघीय गणतन्त्रतात्मक देश नेपाल’ भन्ने शब्दलाई सच्याएर ‘नेपाल’ मात्रै लेख्ने निर्णय गरेपछि त्यसको स्वागत भइरहेको छ ।
सरकारले हालै सबै स्थानीय तहहरुलाई परिपत्र गरी ‘संघीय गणतान्त्रिक नेपाल’ शब्द नलेख्न निर्देशन दिएको थियो ।
गत ११ असोजमा बसेको मन्त्रिपरिषद बैठकले ‘संघीय लोकतान्त्रिक गणतन्त्र नेपाल’ नलेख्ने निर्णय गरेको हो । नेपालको संविधानको अंग्रेजी अनुवादमा प्रयोग भइरहेका विभिन्न १६ वटा शब्दहरुलाई सरकारले सच्याउने निर्णय गरेको छ ।
यो पनिः ‘संघीय गणतान्त्रिक नेपाल’ नलेख्न दिएको निर्देशन स्वागतयोग्य : भिमार्जुन
