केपी विरही युएई ।
युएई नेपाली एकता समाजअन्तर्गत महिला विभाग क्षेत्रीय, समितिअबुधावीको आयोजनामा दसैँ शुभकामना आदानप्रदान कार्यक्रम सम्पन्न भएको छ। कार्यक्रममा प्रमुख अतिथि युएई नेपाली एकता समाजका कार्यवाहक अध्यक्ष दिनेश थापा रहनु भएको थियो ।
का.वा. अध्यक्ष थापाले सो अवसरमा सम्बोधन गर्दै हाम्रो चाडपर्वले सामाजिक रूप लिइसकेकाले हामीले प्रगतिशील रूपमा मनाउँनुपर्ने बताउनुभयो । प्रवासी नेपालीहरूको माझमा राष्ट्रिय एकताको भावनाको विकास गर्न यी चाडपर्वले राम्रो भूमिका खेल्ने गरेको पनि उहाँले बताउनुभयो ।
युएई नेपाली एकता समाज महासचिव टीका नेपाली, महिला विभाग केन्द्रीय सदस्य रीता घिमिरे, एकता समाज अबुधावी क्षेत्रीय सदस्य अर्जुन खनाल, रक्तिम विभाग अबुधावी क्षेत्रका उपेन्द्र नेपाली, सावित्रा घर्ती, कल्पना बडुवाल, अनिल श्रेष्ठ, नरबहादुरलगायतले कार्यक्रममा शुभकामना दिनुभएको थियो।
महिला विभाग क्षेत्रीय समितिका अध्यक्ष खिममाया तिवारीको अध्यक्षतामा र सोही समितिका सचिव बिना तामाङको सञ्चालनमा अघि बढेको सो कार्यक्रममा रक्तिम कलाकारहरूले गीतमार्फत र महिला विभाग केन्द्रीय सदस्य रीता घिमिरेले उपस्थित सम्पूर्णलाई स्वागत गर्नुभएको थियो ।
