खिमराज चालिसे, चंडिगढ (भारत) ।
एक सातादेखि रोपडवाट हराएका प्रेमसागर सापकोटाको शव पञ्जावको मोरिन्डास्थित नहरमा फेला परेको छ। मृतकका श्रीमती, छोरा र छोरीद्वारा सनाखत गरेपछि सापकोटाको शवलाई पञ्जाव पुलिसले पोस्टमार्टम गरी परिवारलाइ हस्तान्तरण गरेको थियो ।
मूल प्रवाह रोपड नगर अध्यक्ष मनिराम सापकोटाले दिएको जानकारी अनुसार मूलप्रवाहका कार्यकर्त्ताहरु, परिवार तथा आफन्तहरुको सहभागितामा प्रेम सागर सापकोटाको शवको आजै दाह संस्कार पनि गरिएको छ।
मृतक सापकोटा मूलप्रवाहको रोपड नगरसमितीद्वारा सञ्चालित नुहोकलोनी एरिया समितीको सदस्य हुनुहुन्थ्यो। ५५ वर्षीय सापकोटाले डिप्रेसनका कारण आत्महत्या गरेको हुनसक्ने आशंका गरिएको छ ।
उहाँ बाग्लुङ जिल्ला, जैमुनी नगरपालिका दमेक , चैरागमा जन्मिनु भएको थियो र केही वर्ष पहिला नबलपुर जिल्लाको गैंडाकोटमा वसाइ सर्नु भएको थियो । उहाँका श्रीमती, एक छोरा र एक छोरी हुनुहुन्छ ।
