बागलुङ । राष्ट्रिय जनमोर्चा गलकोट नगरपालिकाद्वरा २०७७ कार्तिक ११ गते श्रद्धाञ्जली कार्यक्रम सम्पन्न भएको छ ।
राजमो बागलुङका जिल्ला सदस्य पदम श्रेष्ठको ममतामयी आमा गलकोट नगरपालिका वडा न. ३ हटिया निवासी बिजुमाया श्रेष्ठको ८० वर्षको उमेरमा कार्तिक २ गते भएको दुखद निधनमा शोक व्यक्त गर्दै दशौँ दिन सो कार्यक्रम सम्पन्न भएको हो ।
कार्यक्रममा राष्ट्रिय जनमोर्चा बागलुङका सल्लाहकार बेदिलाल सापकोटा, अखिल नेपाल शिक्षक सङ्घ बागलुङका अध्यक्ष मित्रदत्त ढकाल, राष्ट्रिय जनमोर्चा बागलुङका सदस्य नेत्र बुढाथोकी, राष्ट्रिय जनमोर्चा गलकोट न.पा. वडा नं. ५ का अध्यक्ष अम्मरबहादुर खत्रीलगायतले श्रद्धाञ्जली मन्तव्य दिनुभएको थियो ।
कार्यक्रम राष्ट्रिय जनमोर्चा गलकोटका अध्यक्ष टङ्कबहादुर केसीको अध्यक्षता र राष्ट्रिय जनमोर्चा गलकोटका नगर सचिव लालबहादुर रानाको सञ्चालनमा सम्पन्न भएको थियो ।
