काठमाडौं । सप्तरीमा अनैतिक सम्बन्ध लुकाउन सम्बन्ध देखेकी महिलाको हत्या भएको छ । हत्यामा संलग्न तीनजनालाई प्रहरीले पक्राउ गरेको छ ।
सप्तरीको तिरहुत गाउँपालिका– २ मैनाकडरी बस्ने शिक्षक शिवनारायण यादवको श्रीमती ५० वर्षीया दाईमन देबी यादवको १० असोजमा हत्या गर्ने तीनजनालाई सप्तरी प्रहरीले पक्राउ गरेको हो ।
उनी घरमा बसिरहेको अवस्थामा अजय कुमार यादव, राधे भन्नेओमप्रकाश यादव र बम बहादुर साहले उनको हत्या गरेका थिए ।
दाईमन देवी यादवकी देवरानीसँग हत्यामा संलग्न ओमप्रकाश यादवसँगको अनैतिक सम्बन्ध रहेकोमा मृतकले थाहा पाए पछि सो सम्बन्ध लुकाउन हत्याको योजना बनाएको खुलेको छ ।
पक्राउ परेका बम बहादुर साह बिगतमा मधेश मुक्ति टाईगर्स भन्ने सशस्त्र समूहमा संलग्न रही शिक्षक रामनारायण साहको हत्या गरेको अभियोगमा ८ वर्ष जेल सजाय बसी २ बर्ष अघि हिरासत मुक्त भएको र निजलाई ओमप्रकाश यादव र अजय यादवले हत्यामा संलग्न गराएको सप्तरी प्रहरीले जनाएको छ ।
