महेश रिजाल, दाङ ।।
ऐरावती गापा–२ हारबुङ, प्युठान स्थायी घर भई हाल राप्ती गाउँपालिका–८ पिपरीमा दिदीभिनाजु आइती गुरुङ र धनबहादुर गुरुङको आश्रयमा बस्नुभएकी आर्थिक अवस्थाले विपन्न मुटुरोगी ४६ वर्षीय हुमा गुरुङलाई आज एक समारोहका बिच गुरुङ राष्ट्रिय परिषद् जिल्ला कार्यसमिति दाङले १ लाख ६४ हजार ६ सय ५५ नगद रकम हस्तान्तरण गरेको छ ।
सो रकममध्ये गुरुङ राष्ट्रिय परिषद् एकाइ कार्यसमिति घोराही दाङले जुटाएको सहयोग रकम ४० हजार २ सय ९० रुपियाँ, तुलसीपुर एकाइ कार्यसमितिबाट २७ हजार ६ सय ५० रुपिया रहेको थियो, जसमा न्यूयोर्क अमेरिका बस्नुहुने जीवन गुरुङ, सुशील गुरुङ, रमेश गुरुङ, रोशनी गुरुङ, विकास गुरुङसमेतबाट १७ हजार ४ सय १० तथा राप्ती गाउँपालिका लालमटिया एकाए कार्यसमितिबाट १४ हजार ६ सय ९० रुपियाँ र राप्ती गाउँपालिका पिपरी एकाइए कार्यसमितिबाट ४४ हजार ४ सय ५५ रुपियाँ रहेको छ ।
‘दानीलाई कहिल्यै पनि हानी हुँदैन, तसर्थ दान गर्नु नै पुन्य कमाउनु हो’ भन्ने आसयका साथ तमोह्यूल छोज धिः (गुरुङ राष्ट्रिय परिषद् जिल्ला कार्यसमिति दाङ) मार्फत आह्वान गरिएको हुमा गुरुङ बचाऔँ अभियानलाई साथ दिई सहयोग गर्नुहुने सम्पूर्ण सहयोगी मनहरूलाई उक्त कार्य गरेबापत् धन्यवाद प्रदान गरिएको थियो ।
गुरुङ राष्ट्रिय परिषद् जिल्ला कार्यसमिति दाङका अध्यक्ष मोहन गुरुङको सभापतित्व , सचिव चन्द्र गुरुङको सञ्चालन र विष्णु तमुको स्वागत मन्तव्यबाट सुरु भएको सहयोग रकम हस्तान्तरण समारोहलाई प्रमुख अतिथि तथा लुम्बिनी प्रदेश अध्यक्ष खुमबहादुर गुरुङ, राप्ती गाउँपालिका एकाइ कार्यसमितिका अध्यक्ष लुमबहादुर गुरुङ, सल्लाहकार रमेशमान गुरुङ, राप्ती गाउँपालिका एकाइ कार्यसमितिका सदस्य चन्द्र गुरुङ, पत्रकार महेश रिजाल, गणेशमान गुरुङलगायतले मुटुरोगपीडित हुमा गुरुङलाई सक्दो सहयोग गरी उहाँको जीवनरक्षा गर्नुपर्ने धारणा राख्नुभएको थियो ।
