सञ्जाल शर्मा, बागलुङ ।
अखिल नेपाल युवक संघ बागलुङले जैमिनी नगरपालिका १० मा प्रशिक्षण भेला आयोजना गरेको छ । आज साविक राङ्खानी वडा ९ मा प्रशिक्षण सहित संघको भेला सम्पन्न भएको हो ।
कार्यक्रममा युवक संघका जिल्ला सचिवालय सदस्य श्री प्रसाद थापाले सम्बोधन गर्दै भन्नुभयो– ‘गर्दै देशमा बामपंथीको सरकार छ तर युवालाई के गरौं कसो गरौं र कसरी परिवार चलाउने भन्ने चिन्ता थपिएको छ । न देशमा रोजगार हुने बाटो छ न त विदेश गएर धन कमाउने स्थिति छ । यो अबस्थामा सरकार कोरोनाको कारण देखाएर सुतिरहेको छ ।’
उहाँले थप्नुभयो, ‘यो भ्रष्ट सरकार हो । न यसले जनताका समस्या समाधान गर्न खोज्छ, न जनताका छोराछोरीलाई हाम्रो सरकार भन्ने अनुभुती दिलाउँछ । त्यसैले यो माफिया, दलाल र भ्रष्टहरु भरिएको सरकार भएका कारणले युवाहरू सचेत भएर खराव गतिविधिको भण्डाफोर गर्न जरुरी रहेको छ।’
कार्यक्रममा युवक संघका नगर अध्यक्ष यम पुनले युवाहरु सचेत नहुने हो भने देश नै बेच्न नेताहरू पछि नगर्ने जिकिर गर्दै राष्ट्रियता, जनतन्त्र र जनजीवीका आन्दोलनमा युवाहरू सक्रय हुँदै नयाँ जनबादी क्रान्तिको पक्षमा निरन्तर युवाका गतिविधि अगाडी बढाउन आवाह्न गर्नुभयो ।
भेलाले बिरेन्द्र श्रीसको अध्यक्षतामा ३७ सदस्यीय टोल समिति गठन भएको छ । समितिको उपाध्यक्षमा केयरसिंङ श्रीस, सचीव चन्द्र पुन, सह–सचीव समीर श्रीस र कोषाध्यक्षमा कुमार थापा चयन हुनुभएको छ ।
सदस्यहरुमा जीवन श्रीस, मनदिप श्रीस, मिलन विक, कृष्ण राना, यमसेन पुन, शिव राना, प्रविन श्रीस, बिनोद पुन, जनक श्रीस, फटिक थापा, प्रेम श्रीस, चिरन श्रीस, रेशम पुन, श्याम पुन, शुनिल श्रीस, दिनेश श्रीस, भुपाल पुन, दिलिप पुन (ख), मिर्ग्रेन्द्र श्रीस, भुपाल पुन (ख), नवीन थापा, अशोक श्रीस, तुल बहादुर श्रीस, सुनिल छन्त्याल, नगेन्द्र छन्त्याल, गौरव थापा, प्रभास थापा, कुमार थापा, थमन्न छन्त्याल रहनुभएको छ भने हाललाई २ स्थान रिक्त राखिएको छ।
वीर बहादुर श्रीसको अध्यक्षतामा अगाडि बढेको कार्यक्रमको सञ्चालन दल बहादुर श्रीसले गर्नु भएको थियो । युवक सघ बागलुङले यहि असोज ३० गते जैमिनी १० राङखानीमा वडा स्तरीय प्रशिक्षण भेला गर्ने जानकारी दिएको छ ।
