उद्धब मगर, दोहा कतार ।

दुबईको मिडिल इष्टस्थित सुमी सेक्युरिटी गार्ड मिडिल इस्ट  (SUME SECURI GUARD MIDDLE EAST) कम्पनीमा काम गर्दागर्दै मृत्यु भएका रामेछाप जिल्लाको रामेछाप नगरपालिका–७ सिम्लेका रमेश कार्कीको परिवारलाई नेपालीहरुले आर्थिक सहयोग गरेका छन्।

सो कम्पनीमा विगत ७ वर्षदेखी कार्यरत कार्कीको गत अगस्त १६ तारिखका दिन वेवारिसे शव फेला परेको थियो । साथमा मोबाइल, पर्स, सम्बन्धित देशको अधिकारीक आईडी कार्डसमेत नभएको अबस्थामा शव फेला परेपछि उनको हत्या भएको आशंका गरिएको थियो । त्यस सम्बन्धमा आबुधावि प्रहरीले छानबिन गरिरहेको बताइएको छ ।

सहकर्मीको हत्या भएपछि सोही कम्पनीमा कार्यरत सामाजिक अभियन्ता ऋतु लो तामाङको पहलमा नेपालीहरुले आर्थिक संकलन गरी मृतकका परिवारलाई पठाएका छन् ।

तामाङको अगुवाईमा रमेश पौडेल,ललित लुङगेली मगर र गोकुल चापागाईले पहल गरी नगद पाँच लाख ११ हजार ८७ रुपैयाँ पठाइएको तामाङले जानकारी दिनु भयो । सो रकम मृतक रमेश कार्कीको छोरा निराजन कार्कीको हिमालयन बैंक खाता नं ०४३०८९०६८००१७ मा ०४३०८९८०६८००१७ एईडी १६१००.००  मा पठाइएको हो ।

मृतक रमेश कार्कीको नेपालमा श्रीमती कल्पना कार्की, १५ वर्षका छोरा निराजन कार्की, दीर्घरोगि आमा, बाबा गरी जम्मा ४ जनाको परिवार रहेका छन् । उनको घरको अवस्था अत्यन्तै कमजोर रहेको बुझिएको छ ।