केरसिंह अदै, कपिलवस्तु ।
कपिलवस्तुको विजयनगर गाउँपालिका–६ बडदौरमा रहेको श्री जनजागृति आधारभूत विद्यालयको जग्गा अनियमित तरिकाले बिक्री गर्न लागेको भन्दै राजमोले विरोध गरेको छ । विद्यालयको उज्वलपुरमा रहेको १० कठ्ठा क्षेत्रफलको एैलानी जग्गा प्रधानअध्यापक र व्यवस्थापन समितिले बिक्री गर्न लागेको थाह पाएपछि राजमो विजयनगर गाउँसमितिले विरोध गरेको हो ।
प्रधानअध्यापक र विद्यालय व्यवस्थापन समितिका अध्यक्षले समितिकै सदस्य जमा बधाईलाई १० कठ्ठा जग्गा जम्मा रु १० लाख रुपैयाँमा बिक्री गरी तुरुन्त अन्य व्यक्तिलाई रु चार लाख २० हजार रुपैयाँ प्रति कठ्ठा बिक्री गर्न लागेका थिए ।
सो सम्बन्धमा राजमोले थाह पाएपछि राष्ट्रिय जनमोर्चा विजय नगर गाउँ समितिले नेता केर सिंह अदैको पहलमा गाउँ पालिका, वडा कार्यालय, विद्यालयका प्रअ र अध्यक्षलाई पत्र लेखि ध्यानाकर्षण गराएको थियो ।
त्यसपछि यही असोज १४ गते विद्यालयले अभिभावक भेला बोलाएको थियो । भेलामा गौतम बुद्ध साझेदारी वनका अध्यक्ष जानकी यादवसमेतले बहुमत को आधारमा पास गर्नु पर्दछ, भनी जग्गा विक्रीको सपोर्टमा बोलेपछि धेरै अभिबावक ले भोला बहिस्कार गरी हिँडेका थिए ।
१६ गते राष्ट्रिय जनमोर्चालाई विद्यालयले भेलाको निर्णय कपी सहित विद्यालयले नम्मरी जग्गा किन्नुपर्ने पैसा अपुग भएकोले जमा बढाईलाई एेलानी १० कठ्ठा जग्गा जिम्मा लगाइएको निर्णय पठाएको थियो ।
लगत्तै राष्ट्रिय जनमोर्चा विजयनगरले आज उज्ज्वल पुरमा विद्यालयको जग्गामा अनियमिता तथा दलाली गरिएको प्रति विरोध सभा गरेको छ ।
राजमो विजयनगर गाउँ सयमितिका अध्यक्ष गोपाल सुनारको अध्यक्षतामा सम्पन्न विरोध सभामा राष्ट्रिय जनमोर्चा जिल्ला कोषाध्यक्ष चेतनारायण खनाल, अखिल नेपाल ट्रेड युनियन महासंघ (अन्टुक) का केन्द्रीय सदस्य केरसिंह अदै,, नेताहरु पतेश्वरी यादव, खदेरु पसी, रामसोमरे धोबी, स्थानीय इनुस मनीहरले जमा बधाईलाई खडा गरी विद्यालयको जग्गा पलटिङ गर्न लागेको भन्दै तत्काल जग्गा फिर्ता गर्न दबाब दिनुभएको थियो । कार्यक्रमको सञ्चालन प्रभु यादव र स्वागत गोविन्द परिवारले गर्नु भएको थियो ।
