तिलक थापा, बागलुङ ।
राष्ट्रिय जनमोर्चा तंग्रामले सञ्चालन गरेको प्रशिक्षण कार्यक्रम अन्तरगत तंग्रामको ४ र ५ नं टोलमा प्रशिक्षण सस्पन्न गरिएको छ ।
शनिबार धारामा आयोजना गरिएको ५नं टोलको प्रशिक्षण कार्यक्रममा अखिल नेपाल युवक संघका केन्द्रीय उपाध्यक्ष तथा राष्ट्रिय जनमोर्चा बागलुङका सचिवालय सदस्य लक्षमण पुनले प्रशिक्षण दिनुभएको थियो । त्यस क्रममा उहाँले सरकारको एकपछि अर्को गर्दै गरेको नियुक्तिले जनबिश्वाश गुमाउँदै गएको बताउँदै जनता समस्यामा परेको बेला जनताको पक्षमा अझै सक्रिय हुन कार्यकर्तालाई अनुरोध गर्नु भयो ।
कार्यक्रममा जातीय समता समाज बागलुङका सचिव तथा काठेखोला गाउँ कार्यपालिका सदस्य टीका संगम बिक, अखिल नेपाल बुद्धिजीवी संघका कमला थापा लगायतले प्रशिक्षण दिनु भएको थियो ।
कार्यक्रम ५ नं टोल समितिका अध्यक्ष थिर बहादुर रानाको अध्यक्षता, मिना पुनको सञ्चालन, दुर्ग बहादुर थापाको स्वागत मन्तव्यमा सम्पन्न भएको थियो ।
यसअघि शुक्रबार ४ नं टोलमा प्रशिक्षण सम्पन्न भएको छ । कार्यक्रममा राष्ट्रिय जनमोर्चा बागलुङका सचिवालय सदस्य लक्षमण पुन, जातीय समता समाज बागलुङका सचिव टीका संगम बि।क, अखिल नेपाल जनजाती सम्मेलन बागलुङका उपाध्यक्ष ओम पुन लगायतले प्रशिक्षण दिनु भएको थियो ।
कार्यक्रम ४ नं.टोल समितिका अध्यक्ष नर बहादुर थापाको अध्यक्षता, भिम बिकको सञ्चालन, लक्ष्मण थापाको स्वागत मन्तव्यमा सम्पन्न भएको थियो ।
यो पनिः तंग्राममा राजमोले सुरु गर्यो प्रशिक्षण
