तिलक थापा,बागलुङ ।
राष्ट्रिय जनमोर्चाले बागलुङको तंग्राममा प्रशिक्षण कार्यक्रम सञ्चालन गरेको छ । बिहीबार तंग्राम–३ को टोल प्रशिक्षण काफलबोटमा आयोजना गरेको हो ।
कार्यक्रममा अखिल नेपाल युवक संघका केन्द्रीय उपाध्यक्ष तथा राष्ट्रिय जनमोर्चा बागलुङका सचिवालय सदस्य लक्षमण पुनले सहभागीहरुलाई प्रशिक्षण दिँदै राजनैतीक क्षेत्रमा देखिएका विकृतिको चर्चा गर्नुभयो । पुनले सरकारले जनअपेक्षा अनुसार काम गर्न नसकेको आरोप पवनि लगाउनुभयो ।
उहाँले सबै क्षेत्रको विकृति र बिसंगति अन्त्यका लागि जनता सचेत हुन आवश्यक रहेको उल्लेख गर्नुभयो । कार्यक्रममा जातीय समता समाज बागलुङका सचिव तथा काठेखोला गाउँ कार्यपालिका सदस्य टीका संगम बिक, राष्ट्रिय जनमोर्चा तंग्रामका अध्यक्ष बिष्णु कडेल लगायतले प्रशिक्षण दिनु भएको थियो ।
कार्यक्रम राजमो ३ नं. टोल समितिका अध्यक्ष हरिभक्त थापाको अध्यक्षता तथा प्रदीप पुनको सञ्चालनमा सम्पन्न भएको थियो । साथै प्रशिक्षण कार्यक्रम भोलि असोज १६ गते ४ नं टोलमा हुने तंग्रामका अध्यक्ष बिष्णु कडेलले जानकारी दिनु भयो ।
