झनक केसी, अर्घाखाँची ।
अर्घाखाँचीको शीतगंगा नगरपालिका वडा नंं. १२ मैदान जोख्लेगैराका पहिरोपीडितलाई विभिन्न संघ संस्थाहरुले राहत वितरण गरेका छन् ।
पहिरोका कारण जोख्लेगैरामा २५ घर पूर्ण रुपमा क्षति हुनुका साथै अन्य २३ घर परिवार विस्तापित भएका थिए ।
शीतगंगा समूह काठमाडौंद्वारा कम्बल वितरण
विभिन्न पेशा, व्यवसाय र रोजगारको सिलसिलामा काठमाडौंलाई कर्मथलो बनाएर बसेका अर्घाखाँचीका नागरिकहरुको समूह ‘शीतगंगा समूह’ सदस्यहरुले ८० हजार मूल्य बराबररको ५० थान कम्वल वितरण गरेका छन् । ती कम्बल मध्ये जोख्ले गैरालाई ४० थान र ढुंगेसरालाई ७ थान वितरण गरिएको छ भने ३ थान वडा कार्यालयमा राखिएको छ ।
समूहका सदस्यहरु गोमा पौडेल, खिम क्षेत्री, कृष्ण ढकाल, शालिकराम भट्टराई, यमलाल बस्नेत, केशरा पौडेल, ढुन्डिराज बस्नेतको टिम फिल्डमै आएर सहयोग गरेका हु्न् ।
लुम्बिनी सामाजिक केन्द्रद्वारा उपभोग्य सामाग्री हस्तान्तरण
त्यस्तै, लुम्बिनी सामाजिक विकास केन्द्रले ७ लाख ४८ हजार बराबरको दैनिक उपभोग्य सामग्रीहरु हस्तान्तरण गरेको छ । संस्थाका सल्लाहकार इन्द्रमणी पौडेलसहितको टोलीले शीतगंगा नगरपालिकाका मेयर सुर्य प्रसाद अधिकारी, उपमेयर टीका रेस्मि वडा अध्यक्ष बाबुराम गैरे समेतको रोहबरमा राहत सामग्री हस्तान्तरण गरेको हो ।
