काठमाडौं । देशका विभिन्न स्थानमा लगातारको झरीपछि आइतबार बिहानैदेखि घाम लागेको छ । प्रदेश १ र २ बाहेक देशका सबै स्थानमा अहिले घाम देखिएको मौसमविद्ले बताएका छन्।

जल तथा मौसम विज्ञान विभागले अझै पनि मनसुन बाहिरीनसेको र केही स्थानमा पानी पर्ने सम्भावना कायम रहेको जनाएको छ । विभागका अनुसार मनसुन अझै एक हप्ता रहने सम्भावना छ तर पानी पर्न कम हुँदैजाने छ ।

मौसमविद्ले पश्चिमबाट आकाश खुल्दै आएको भएपनि पूर्वी भागमा अझै पनि भारी वर्षाको सम्भावना रहेको भन्दै सतर्क रहन आग्रह गरेका छन् । विभागले जारी गरेको सूचनामा आगामी तीन दिन देशभरको अवस्था यस्तो छ:

असोज ११ गते (आइतबार)
दिउँसोः प्रदेश नं १, प्रदेश नं २, बागमती प्रदेश र गण्डकी प्रदेशमा सामान्य बदली रही थोरै स्थानहरू तथा प्रदेश नं ५, कर्णाली प्रदेश र सुदुरपश्चिम प्रदेशमा आंशिक बदली रही एक दुई स्थानमा मेग गर्जन र चट्याङ्ग सहित हल्कादेखि मध्यम वर्षाको सम्भावना रहेको छ । प्रदेश नं १ का एक दुई स्थानमा भारी वर्षाको समेत सम्भावना रहेको छ।

रातिः प्रदेश नं १, बागमती प्रदेश, गण्डकी प्रदेश मा सामान्य बदली रही थोरै स्थानहरू तथा बाँकी प्रदेशहरुमा आंशिक बदली रही एक दुई स्थानहरुमा हल्का वर्षाको सम्भावना रहेको छ ।

असोज १२ गते (सोमबार)
दिउँसोः प्रदेश नं १, बागमती प्रदेश, गण्डकी प्रदेश मा सामान्य बदली रही थोरै स्थानहरूमा हल्का वर्षा तथा बाँकी प्रदेशहरुमा आंशिक बदलीको सम्भावना रहेको छ ।

रातिः प्रदेश नं १, बागमती प्रदेश र गण्डकी प्रदेश मा सामान्य बदली रही थोरै स्थानहरू हल्का वर्षा तथा बाँकी प्रदेशहरुमा आंशिक बदलीको सम्भावना रहेको छ । प्रदेश नं १ का एकर दुई स्थानमा भारी वर्षाको समेत सम्भावना रहेको छ।

असोज १३ गते (मंगलबार)
दिउँसोः प्रदेश नं १, बागमती प्रदेश, गण्डकी प्रदेश मा सामान्य बदली रही थोरै स्थानहरूमा हल्का वर्षा तथा बाँकी प्रदेशहरुमा आंशिक बदलीको सम्भावना रहेको छ ।

रातिः प्रदेश नं १, बागमती प्रदेश र गण्डकी प्रदेश मा सामान्य बदली रही थोरै स्थानहरू हल्का वर्षा तथा बाँकी प्रदेशहरुमा आंशिक बदलीको सम्भावना रहेको छ ।