विमल पाण्डे, बागलुङ ।
बागलुङ ढोरपाटन नगरपालिका वडा नं. ७, ८ र ९ का पहिरोपीडितलाई १० लाख ९२ हजारबराबरको राहत वितरण गरिएको छ । जापानमा रहेका स्थानीय युवा र थापा कोषद्वारा सङ्कलित सो रकम शुक्रवारका दिन बाढीपीडितलाई हस्तान्तरण गरिएको हो ।
ढोरपाटन वडा नं. ९ को वडा कार्यालयमा एक औपचारिक कार्यक्रम आयोगजना गर्दै वडा नं. ७, वडा नं. ८ र वडा नं. ९ साथै वडा सचिवको रोहवरमा उक्त राहत रकम पीडितहरूलाई बुझाइएको छ ।
वडा नं. ७ का अध्यक्ष दिपक थापा र थापा बचत कोषका प्रतिनिधि मकर थापालगायतले सो राहत पीडितलाई हस्तान्तरण गर्नुभएको थिएको ।
सो अवसरमा मन्तव्य राख्दै वडा नं. ७ का वडा अध्यक्ष दिपक थापाले थापा बचत कोष, जापानमा रहेका युवा र दुबई (युएई) मा रहेका स्थानीय युवाहरूले आफ्नो छाक कटाएर पीडितको घाउमा मल्हम लगाउन सहयोग गरेको बताउँदै उक्त अन्य सङ्घ/सङ्ठनहरूलाई पनि सहयोगका लागि आह्वान गर्नुभयो ।
