खिमराज चालिसे

लुधियाना (भारत।) । मूल प्रवाह अखिल भारत नेपाली एकता समाज, लुधियाना नगर समितिका पूर्व नगर सदस्य एवमर सिभिल लाइन्स एरिया समितिका भूतपूर्व अध्यक्ष देवराज ऐरको ४७ वर्षको सेप्टेम्बर २४, २०२० का दिन डेङगु लागी निधन भएको छ ।

ऐरको असामयिक निधनपछि आज उहाको पार्थिव शरीरको मूल प्रवाहका कार्यकर्ता, परिवारका सदस्य, आफन्त तथा शुभचिन्तकहरुको सहभागितामा दाहसंस्कार गरिएको छ।

दाहसंस्कारलगत्तै मूल प्रवाह अखिल भारत नेपाली एकता समाज लुधियाना नगर समितिले शोकसभा सम्पन्न गरेको छ । नन्दराज भण्डारीको अध्यक्षतामा तथा खुमबहादुर थापाको सञ्चालनमा सम्पन्न शोकसभामा दुई मिनट मौनधारणपश्चात् उहाको योगदानको चर्चा गर्दै शोकमन्तव्य दिने वक्ताहरूमा सुदूरपश्चिमोत्तर क्षेत्रीय सदस्य उदयसिंह चन्द, रामचन्द्र पौडयाल, नगर समितिका बलबहादुर केसी, खुमबहादुर थापा र नरेश बोहोरालगाएत हुनुहुन्थ्यो।

डडेलधुरा अजयमेरू गाउँपालिका–२, धर्मघर निवासी देवराज ऐरको जन्म २०३० असार ९ गते आमा दुर्गादेवी ऐर र बुबा करनबहादुर ऐरको कोखवाट भएको थियो । उहाँ रोजीरोटी को खोजीमा भारतको पंजाबको लुधियानास्थित गगनजीत कलोनी भटियामा परिवारसहित बस्दै आउनुभएको थियो ।