निलगिरी (भारत) । मूल प्रवाह अखिल भारत नेपाली एकता समाज अन्तर्गत विद्यार्थी विभागका नेताको प्रगतिशील विवाह सम्पन्न भएको छ । अखिल भारत नेपाली विद्यार्थी संघ दक्षिण भारत क्षेत्रीय समितिकी उपाध्यक्ष कुमारी थापा र नरेन्द्र थापाबीच सोमबार प्रगतिशील विवाह भएको हो ।
कुमारी थापा जैमिनी नगरपालिका ९ पैंयु, बाग्लुङ निवासी हाल तमिलनाडुको परेटन क्षेत्र ऊटीमा कार्यरत बिरेन्द्र थापाकी सुपुत्री हुन् भने नरेन्द्र थापा जैमिनी नगरपालिका १ कुस्मीसेरा निबासी रेशम थापाका सुपुत्र हुन् ।
मूल प्रवाहको ब्यानर टाँगेर आयोजना गरिएको सो बिवाह समारोहको अध्यक्षता बधुका पिता तथा मूल प्रवाह क्षेत्रीय सदस्य बीरेन्द्र थापाले र सञ्चालन नगर सचिव मिना हमालले गर्नु भएको थियो ।
वर बधुलाई मूल प्रवाह अखिल भारत नेपाली एकता समाज दक्षिण भारत क्षेत्रीय प्रतिनिधि जगत हमाल, मूल प्रवाह अखिल भारत नेपाली एकता समाज निलगिरी नगर अध्यक्ष टेकबहादुर विक, महिला विभागबाट लक्ष्मी विक, विद्यार्थी क्षेत्रीय सदस्य कविता हमाल, रक्तिम विभागबाट बलबहादुर विक, खेलकूद विभागबाट मधु खनाल, बधुकी आमा रूपा थापा, वरकी आमा लोककुमारी थापा लगायतले शुभकामना दिनुभएको थियो ।
विवाह समारोहमा उपस्थित सम्पूर्ण आगन्तुकहरूलाई बधुकी बहिनी कस्तुरी थापाले शब्दबाट र रक्तिम साँस्कृतिक अभियानले संगीतबाट स्वागत गरेका थिए ।
वर तथा बधुलाई प्रमुख अतिथि जगत हमालले बधाइ दिनुका साथै प्रगतिशील विवाहको औचित्यताबारे औँल्याउदै समाजमा रहेको पुरानो रूढीवादी परम्पराबाट बिस्तारै प्रगतिशील प्रक्रियातर्फ अगाडि बढ्नु पर्ने धारणा राख्नुभएको थियो ।
