काठमाडौं । काठमाडौंको न्युरोडमा रहेको नौलो परिवेश वचत तथा सहकारी संस्था लिमिटेडमा प्रवन्धक रही करोडौं रकम हिनामिना गरेर फरार व्यक्ति पक्राउ परेका छन् ।

पक्राउ पर्नेमा सोही काठमाडौं महानगरपालिका –३१ बस्ने राजकाजी खड्गी रहेका छन्। खड्गीले २०७० असारदेखि गतजेठ मसान्तसम्म ७ वर्ष प्रबन्धकका रुपमा कार्यरत रहँदा उक्त सहकारीको हर हिसाव तथा सहकारीको बैंक खाता सन्चालन समेतको सम्पूर्ण जिम्मा लिई संस्थाको ५ करोड ६७ लाख नगद ठगी गरी फरार भएका थिए ।

उनलाई महानगरीय अपराध महाशाखाको टोलीले सोमबार धापाखेलबाट प्रकाउ गरेको हो। खड्कीउपर पाँच दिनको म्याद लिई अनुसन्धान भइरहेको प्रहरीले जनाएको छ।