काठमाडौं । कोरोना संक्रमणको समयमा नक्कली प्रेस कार्ड बनाएर त्यसको दुरुपयोग गर्ने चार जना पक्राउ परेका छन् । केही दिन अघि ललितपुरमा प्रेस लेखिएको ज्याकेट लगाएर एक युवाले प्रहरीमाथि ढुंगा हानेको दृष्य सार्वजनिक भएपछि प्रहरीले अनुसन्धान थालेको थियो ।
त्यस क्रममा काठमाडौंमा एउटा समूहले पत्रकारको नक्कली परिचय पत्र बनाएर पाँच सय रुपैयाँ भन्दा बढी मूल्यमा बिक्री गर्ने गरेको प्रहरी अनुसन्धानमा खुलेको छ।
पक्राउ पर्नेहरुमा नवलपरासी (पश्चिम) सुस्ता बर्दघाट नगरपालिका–१३ घर भई हाल रातोपुल बस्ने वर्ष ३५ को लक्ष्मण न्यौपाने, बर्दिया राजापुर नगरपालिका–१० घर भई हाल कोटेश्वर बस्ने वर्ष २३ को श्रीराम खड्का नवलपरासी सुस्ता पुर्व कावासोती नगरपालिका–८ घर भई हाल भिमसेनगोला बस्ने वर्ष २९ को रमेश कुमार रेग्मी र स्याङ्जाको जगत्रदेबी गाउँपालिका–९ घर भई हाल धापसी बस्ने वर्ष ३९ को राजेन्द्र राज भण्डारी रहेका छन्।
प्रहरीले उनीहरुको साथबाट नक्कली परिचयपत्र बनाउन प्रयोग हुने विभिन्न सामग्री बरामद गरेको छ।
