काठमाडौं । कोरोना संक्रमण भएर सन्चो भएको व्यक्तिलाई फेरि संक्रमण हुँदैन भन्ने विज्ञहरुको दाबी गलत सावित भएको छ । भारतको बैंगलोरमा २७ वर्षीया एक महिलामा संक्रमण ठिक भएको एक महिनापछि पुनः संक्रमण देखिएको छ ।
ती महिलालाई गत गत जुलाई महिनामा कोरोना पोजेटिभ देखिएको थियो । बीबीसी हिन्दीका अनुसार एक निजी अस्पतालमा भर्ना भएकी ती महिलामा अन्य कुनै रोग थिएन । केही समयको उपचार पछि ती महिना सन्चो भइन् ।
तर, एक महिनापछि पुनः कोरोनासँग मिल्दोजुल्दो लक्षण जस्तै कि जीउ दुख्ने, ज्वरो आउने र शरीर लग्ने लक्षण देखिएपछि उनको पुनः परीक्षण गर्दा पीसीआर रिपोर्ट पोजेटिभ आएको थियो ।
फोर्टिस अस्पतालका संक्रामक रोग विभागका सलाहकार डा प्रतीक पाटिलले भनेका छन्, हामीले पहिला उनको रेपिड एंटीजन टेस्ट र त्यसपछि आरटी-पीसीआर टेस्ट गरयौं । दुवै टेस्टमा उनको रिपोर्ट पोजेटिभ आएको छ । उनको एन्टिबडी टेस्ट (कोभिड इम्युनोग्लोब्युलिन जी) पनि नेगेटिव आएको छ । यसपछि नै हामीलाई शंका लाग्यो की उनी दोवारा संक्रमित भइन् ।’
