काठमाडौं । एउटा बैंकको एटीएम अन्य बैंकमा प्रयोग गर्दा शुल्क नलाग्ने भएको छ । आइतबार नेपाल राष्ट्र बैंकले भुक्तानी प्रणालीसम्बन्धी एकीकृत निर्देशिका गरी गर्दै उक्त व्यवस्था गरेको हो ।

जुनसुकै बैंक तथा वित्तीय संस्थाले जारी गरेका एटीएम कार्ड स्वदेशभित्रै अर्को बैंक तथा वित्तीय संस्थाको एटीएममा प्रयोग गर्दा प्रयोगकर्तासँग कुनै शुल्क लिन नपाइने उक्त निर्देशिकामा उल्लेख छ ।

यसअघि बैंकअनुसार एउटाको डेबिट कार्ड अर्कोको अटोमेटेड टेलर मेसिन (एटीएम)मा घुसारेर पैसा निकाल्दा बैंक हेरी ५० रूपैयाँसम्म शुल्क लाग्थ्यो ।

यसअघि लकडाउनको समयमा अन्तरबैंक एटीएम प्रयोग गर्दा शुल्क नलिने व्यवस्था गरिए पनि लकडाउन खुलेसँगै बैंकले पुनः शुल्क लिन थालेका थिए ।