उत्तम कुमार उपाध्याय,रौतहट ।
स्रोत नखुलेका २८ लाखबढी रुपैयासहित एक जनालाई सशस्त्र प्रहरीले पक्राउ गरेका छन् । पक्राउ पर्नेमा राजपुर नगरपालिका वडा नम्बर(९ बैरियाटोलका २० वर्षीय दिलिप कुमार साह रहेको सशस्त्र प्रहरी ११ नम्बर गणका सशस्त्र प्रहरी उपरीक्षक सुुर्यबहादुर सेन ओलीले बताउनुभयो ।
सशस्त्र बेश कैम्प औरैयाको गस्तीटोलीले नेपाल भारत सीमा जोडिएका ईशनाथ नगरपालिका क्षेत्र भएर बिहिबार बिहान साढे ७ बजे बिआर ३० एन ९५८० नम्बरको मोटरसाईकल नेपाल प्रवेश गरेका साह माथि शंका लागेर चेकजाँच गर्दा उनको साथबाट २८ लाख ५१ हजार ९६० रुपैया बरामद भएको हो ।
अबैध रकमसहित पक्राउ परेका साहलाई जिल्ला भन्सार कार्यालय गौरमा आजै बुुझाईएको सशस्त्रप्रहरी उपरीक्षक ओलीले बताउनुभयो ।
यसैगरी सशस्त्र प्रहरी ११ नम्बर गण मातहत रहेका प्रहरी युनिटहरुले डेढ महिनाको अवधिमा एक करोड ५३ लाख ३७ हजार ११० रुपैया बराबरको बिभिन्न मालसामान पक्राउगरी भन्सार बुझाएका छन् ।
सो अवधिमा ३६ लाख ४७ हजार ६९० रुपैया नगद, तस्करीमा प्रयोग भएको २ वटा ट्रक, १४ वटा मोटरसमईकल, १५ वटा चौपाया, ५७ क्वीफिट सालको काठ र १८ जना ब्यक्तिलाई पक्राउगरी कारवाही गरिएको सशस्त्र प्रहरी रौतहटले जनाएको छ । (रासस)
