चेन्नई (भारत) । संसारभर छरिएका नेपाली महिलाहरुले तीज मनाइरहँदा भारतको चेन्नइमा एक नेपाली महिलाले आत्महत्या गरेकी छन् । कास्कीको रूपा गाउँपालिका–६ का स्था अमृत केसीकी कान्छी श्रीमती ३६ वर्षीया अमृता केसीले दर खाने दिन बिहीबार आत्महत्या गरेकी हुन् ।
केसी दम्पत्ती भारतको तामिलनाडु राज्यको राजधानी चेन्नईस्थित प्यारीसमा कार्यरत रहनुका साथै सोही स्थानमा रहँदै आएका छन् ।
घटनापछि मृतकका श्रीमान अमृत केसीले करिव मूल प्रवाह अखिल भारत नेपाली एकता समाज दक्षिण भारत क्षेत्रीय अध्यक्ष महेन्द्र बस्याललाई फोन सम्पर्क गरि राजीव गांधी अस्पतालमा बोलाएका थिए । बस्यालले अमृतसँग घटनाको बारेमा बुझ्ने कोशिस गर्नुभएको थियो ।
स्थानीय प्रशासनका अनुसार राजीव गान्धी अस्पतालले अमृता केसीलाई मृत घोषणा गरेको थियो । प्यारीसको वि १, नार्थ विच पोलिस स्टेशनका इन्सपेक्टर श्री के. सेनगुट्टुवनको टिमले घटनाबारे अमृत केसीसँग आबश्यक पूछताछ र जानकारी लिई एफआइआर दर्ज गरेको मूलप्रवाहका केन्द्रीय सदस्य धनबीर पुनले जानकारी दिनुभएको छ ।
पुलिस स्टेशनमा प्रशासनिक तथा अस्पतालमा आवश्यक प्रक्रिया पुरा गरि २१ अगस्त २०२० तीजका दिन ४ः३० बजे आफन्तजन र मूल प्रवाह अखिल भारत नेपाली एकता समाजका कार्यकर्ताहरूको उपस्थितमा नुंगामबाक्कुम संशान घाटमा अमृता केसीको अन्तिम दाहसंस्कार गरिएको छ ।
दाहासंस्कारमा केन्द्रीय सदस्य महेन्द्र बस्याल, क्षेत्रीय सदस्य ज्योतिनारायण शर्मा, उत्तर नगर अध्यक्ष उमानन्द आचार्य, चेन्नई उत्तर नगर सचिव मोहराज सुवेदी, बुद्धि थापा, नारायण खड्का, कृष्ण थापा, भिम बहादुर कुंवर र बिष्णु क्षेत्री लगायतको उपस्थिति रहेको थियो ।
यो पनिः पञ्जाबमा नेपाली युवकले गरे आत्महत्या, मूलप्रवाहद्वारा छानबिनको माग
