काठमाडौँ । काठमाडौँ उपत्यकामा प्रगतिशील देउसीभैलो कार्यक्रम कात्तिक २२ गतेदेखि सुरु हुने भएको छ ।

रक्तिम सांस्कृतिक अभियान र राष्ट्रिय जनमोर्चा काठमाडौँको आयोजनामा सो कार्यक्रम सुरु हुन थालेको हो ।

बुढानीलकण्ठ–१० स्थित राजमो केन्द्रीय कार्यालय परिसरबाट सुरु हुने उक्त देउसीभैलो टोलीको नेतृत्व रक्तिमका महासचिव हेमराज आश्रमले गर्नुहुनेछ ।

चाडपर्वका समयमा देखिने विकृति र विसङ्गतिका विरुद्ध सांस्कृतिक चेतना फैलाउने उद्देश्यका साथ रक्तिम र राजमोले हरेक वर्षझैँ यसपटक पनि उपत्यकामा प्रगतिशील देउसीभैलोलाई निरन्तरता दिन लागेको महासचिव आश्रमले बताउनुभयो ।

कार्यक्रमका क्रममा रक्तिमका सन्देशमूलक जनवादी गीतसङ्गीत र नृत्य प्रस्तुत गरिने रक्तिमले जनाएको छ ।