काठमाडौँ । साताको कारोबारमा नेपाल स्टक एक्सचेन्ज (नेप्से) परिसूचक १२.९५ अङ्कले घटेर २६५२.५८ विन्दुमा झरेको छ। बजारमा ४ अर्ब ७२ करोड २२ लाख रुपैयाँभन्दा बढीको कारोबार भएको छ।

आज ३४९ कम्पनी तथा धितोपत्रको १ करोड २३ लाखभन्दा बढी कित्ता सेयर किनबेच भएका छन्। कारोबारमा सहभागीमध्ये २११ कम्पनीको सेयर मूल्य घट्दा ५६ कम्पनीको बढेको छ भने १२ कम्पनीको मूल्य स्थिर रहेको छ।

कारोबार रकमका आधारमा आँखुखोला जलविद्युत कम्पनी शीर्ष स्थानमा रह्यो। त्यसैगरी नेपाल पुनर्बीमा कम्पनी र घलेम्दी हाइड्रोको पनि उल्लेख्य कारोबार भयो।

समूहगत रूपमा माइक्रोफाइनान्सबाहेक सबै समूहको परिसूचक घटेको छ। यद्यपि, सबै समूहको उतारचढाव एक प्रतिशतभन्दा कम रहेको छ।