काडमाडौँ । बंगालको खाडीको न्यूनचापीय प्रणालीको प्रभावले काठमाडौँ उपत्यकासहित देशका धेरै ठाउँमा वर्षा भएको छ।
आजदेखि पानी पर्नेक्रम अझै बढ्ने र केही ठाउँमा भारीदेखि अति भारी वर्षा हुने पूर्वानुमान छ ।
मौसमविद्हरूले आजदेखि वर्षा अझ बढ्ने र लुम्बिनी तथा गण्डकी प्रदेशमा बढी असर पर्ने बताएका छन्।
महाशाखाले आइतबारसम्म पहिरो, बाढी र यातायात अवरुद्ध हुन सक्ने भन्दै सतर्कता अपनाउन आग्रह गरेको छ।
गण्डकीको तनहुँ, कास्की, स्याङ्जा, पाल्पा र आसपासका क्षेत्रमा पनि वर्षा भएको छ ।
आज कोशी, बागमती र गण्डकी प्रदेशका थोरै ठाउँमा तथा मधेश र लुम्बिनी प्रदेशका एकरदुई ठाउँमा भारी वर्षाको सम्भावना छ ।
महाशाखाका अनुसार मधेश र कोशी प्रदेशको तराईका थोरै ठाउँमा हावाहुरीको समेत सम्भावना छ ।
आइतबारसम्म धेरै ठाउँमा ठूलो पानी पर्ने भएकाले जोखिमयुक्त क्षेत्रमा पहिरो जाने, खोला तथा नदीमा बाढी आउने सम्भावना छ । त्यसैले हवाई, सडक यातायात प्रभावित हुनसक्ने पूर्वानुमान छ । सम्भावित जोखिमबाट बच्न आवश्यक सावधानी अपनाउन महाशाखाले सबैलाई आग्रह गरेको छ ।
