काठमाडौं, ६ असोज । नेपाली कम्युनिस्ट पार्टीले विभिन्न कम्युनिस्ट घटक तथा विचार मिल्ने देशभक्त गणतन्त्रवादी दल–समूहसँग पार्टी एकताका लागि वार्ता समिति गठन गरेको छ।
Advertisement
केन्द्रीय कार्य संयोजन समितिको आज बसेको बैठकले देव गुरुङ, प्रकाश ज्वाला र गंगानारायण श्रेष्ठ सदस्य रहेको तीन सदस्यीय समिति गठन गरेको हो।
समितिलाई एउटै कम्युनिस्ट पार्टी निर्माणका लागि सम्बन्धित दल तथा समूहसँग वार्ता र एकताको पहल गर्ने जिम्मेवारी दिइएको प्रवक्ता प्रकाश ज्वालाले बताए। बैठकले तय गरेको आठबुँदे एजेण्डामा ‘पार्टीमा समाहित गर्ने’ विषयसमेत समावेश छ।
