रुपन्देही, १७ भदौ । लुम्बिनी प्रेस क्लबले रसुवा बाढीबाट प्रभावित पत्रकार तथा सञ्चारकर्मीका परिवारलाई रु एक लाख सहयोग गर्ने भएको छ ।

क्लबको आकस्मिक बैठकले बाढीका कारण सम्पर्कविहीन भएका पत्रकारको खोज, उद्धार तथा प्रभावित पत्रकार र सञ्चारमाध्यमलाई सहयोग उपलब्ध गराउने निर्णय भएको क्लबका उपाध्यक्ष दीपेन्द्र बडुवालले जानकारी दिनुभयो ।

उहाँका अनुसार नेपाल पत्रकार महासङ्घको केन्द्रीय कार्यालय तथा प्रेस काउन्सिल नेपालसँग समन्वय गरी उक्त रकम उपलब्ध गराइनेछ । बाढी प्रभावित क्षेत्रमा सम्पर्कविहीन पत्रकारको  खोज तथा उद्धारलाई प्राथमिकता दिन सरकारसँग क्लबले आग्रह गरेको छ ।