बागलुङबजार । राष्ट्रिय जनमोर्चा बागलुङका सदस्य कृष्ण पुन, अखिल नेपाल युवक सङ्घका पूर्व अध्यक्ष हेमप्रसाद पुन र अखिल नेपाल शिक्षक सङ्घ गल्कोट नगरका सहसचिव नरेन्द्र पुनी आमा भद्रकली पुनको स्मृतिमा शोकसभा सम्पन्न भएको छ ।
राजमो केन्द्रीय सल्लाहकार तथा जिल्ला समन्वय समिति बागलुङका प्रमुख अमरबहादुर थापाको प्रमुख आतिथ्यमा २०८३ भदौ ४ गते बिहीबार गल्कोट नगरपालिका–११ रिघामा सो कार्यक्रम भएको हो ।
राजमो बागलुङ र राजमो गल्कोट–११ वडा समितिको आयोजनामा उक्त कार्यक्रमको आयोजना गरिएको थियो ।
कार्यक्रममा शोकमन्तव्य राख्दै थापाले भद्रकली पुनको निधनबाट राजमो बागलुङ स्तब्ध भएको बताउनुभयो ।
पुन परिवारले पार्टी, सङ्गठन र आन्दोलनमा महत्त्वपूर्ण भूमिका निर्वाह गरेको उहाँको भनाइ थियो ।
सो सन्दर्भमा उहाँले स्मृतिशेष हेमप्रसाद पुनको उल्लेखनीय भूमिकाको स्मरण गर्दै उहाँप्रति पनि श्रद्धासुमन व्यक्त गर्नुभयो ।
कार्यक्रममा राजमो गण्डकी प्रदेश समितिका उपाध्यक्ष धर्म कुँवर, अखिल नेपाल महिला सङ्घकी उपाध्यक्ष लक्ष्मी बास्कोटा, बडिगाड गाउँपालिकाका उपाध्यक्ष भीमसेन वनलगायतलगायत राजमो प्रदेश, जिल्ला र पालिकाका नेताकार्यकर्ताको उपस्थिति रहेको थियो ।
राजमो बागलुङका सचिव भीमलाल पोखरेलको सञ्चालन तथा राजमो गल्कोट नगर समितिका अध्यक्ष टङ्क केसीको अध्यक्षतामा उक्त कार्यक्रम सम्पन्न भएको थियो ।
१९९५ वैशाख १५ जन्मनुभएकी भद्रकलीको गत २०८३ भदौ २ गते निधन भएको थियो ।
