पोखरा, साउन १६ । रक्तिम सांस्कृतिक अभियान कास्कीको तेस्रो जिल्ला भेला सम्पन्न भएको छ। भेलाले तमबहादुर रोकाको अध्यक्षतामा नौ सदस्यीय नयाँ जिल्ला कार्यसमिति सर्वसम्मत रूपमा चयन गरेको छ ।
भेलाको अध्यक्षता तमबहादुर रोकाले गर्नुभएको थियो भने सञ्चालन नमबहादुर बाँठा मगरले गर्नुभएको थियो। कार्यक्रममा रक्तिम सांस्कृतिक अभियानका केन्द्रीय महासचिव हेमराज आश्रम प्रमुख अतिथिका रूपमा उपस्थित हुनुहुन्थ्यो ।
त्यसैगरी राष्ट्रिय जनमोर्चा गण्डकी प्रदेशका अध्यक्ष शंकर बराल विशेष अतिथि रहनुभएको थियो। कार्यक्रममा नेपाल कम्युनिस्ट पार्टी (मसाल) कास्कीका जिल्ला प्रवक्ता चन्द्रबहादुर केसी, अखिल नेपाल जनजाति सम्मेलनका केन्द्रीय सदस्य तिलबहादुर गुरुङ, डम्वर वहादुर थापा संयोजक जनजाति सम्मेलन गण्डकी प्रदेश, अखिल नेपाल बुद्धिजीवी सङ्घ कास्कीका अध्यक्ष प्रविण पौडेल तथा अखिल नेपाल किसान सङ्घ कास्कीका अध्यक्ष गंगाबहादुर थापालगायतको आतिथ्यता रहेको थियो। अखिल नेपाल युवक सङ्घ गण्डकी प्रदेशका संयोजक डम्बरबहादुर थापाको समेत कार्यक्रममा सहभागिता रहेको थियो ।
भेलाले संगठनलाई थप सुदृढ, गतिशील र प्रभावकारी बनाउने उद्देश्यका साथ तमबहादुर रोकाको अध्यक्षतामा नौ सदस्यीय जिल्ला कार्यसमिति चयन गरेको हो । जस्मा : उपाध्यक्ष- जमुना थापा, सचिव- विष्णु खत्रि, कोषाध्यक्ष- रिता घर्तिमिरे, सदस्य: यम कुमारी पुन, लालमाया फौजा, अस्मी छन्ट्याल, दिर्घ व घर्ति, समीर थापा रहनुभएको छ ।
नवनिर्वाचित कार्यसमितिलाई बधाई तथा सफल कार्यकालको शुभकामना व्यक्त गर्दै राष्ट्रिय जनमोर्चा गण्डकी प्रदेशका अध्यक्ष शंकर बराल र नेपाल कम्युनिस्ट पार्टी (मसाल) कास्कीका जिल्ला प्रवक्ता चन्द्रबहादुर केसीले शुभकामना मन्तव्य राख्नुभएको थियो । उहाँहरूले सांस्कृतिक आन्दोलनलाई जनताको पक्षमा अझ सशक्त रूपमा अगाडि बढाउन नवगठित समितिले महत्त्वपूर्ण भूमिका निर्वाह गर्ने विश्वास व्यक्त गर्नुभयो ।
भेलामा वक्ताहरूले प्रगतिशील सांस्कृतिक आन्दोलनलाई सुदृढ बनाउँदै जनपक्षीय कला–साहित्य र संस्कृतिको विकासमा रक्तिम सांस्कृतिक अभियानको भूमिका अझ प्रभावकारी बनाउनुपर्नेमा जोड दिएका थिए ।
