काठमाडौँ । अखिल नेपाल ट्रेड युनियन महासङ्घ (अन्टुक) ले सुनसरी घटनाको निष्पक्ष छानबिन गर्न माग गरेको छ ।
कावा अध्यक्ष धनपति सापकोटाको हस्ताक्षरमा २०८३ साउन १५ गते शुक्रबार प्रेसवक्तव्य जारी गर्दै अन्टुकले सो माग गरेको हो ।
सुनसरीको साम्प्रदायिक घटनाको सट्टा धार्मिक सहिष्ण्ॉता कायम गर्नुपर्ने आवश्यकतामा जोड दिँदै वक्तव्यमा यस सम्बन्धमा सरकारको गैरजिम्मेवार तरिकाको विरोध गरिएको छ ।
यस्तो छ, प्रेसवक्तव्यको पूर्ण पाठ :
“यही साउन ११ गते सुनसरीमा हिन्दुमुस्लिम समुदायमाझ अप्रिय घटना घटेको छ । यसबारे अअिल नेपाल टे्रड युनियन महासङ्घ (अन्टुक) को गम्भीर ध्यानाकर्षण भएको छ ।
हाम्रो देशमा विभिन्न जातजाति र समुदायको बसोबास छ तर आजसम्म उनीहरू मिलेर बसेका छन् । पछिल्ला दिनमा विभिन्न तत्त्वले जातीय साम्प्रदायिकतालाई उचाल्ने र भड्काउने प्रयत्न हुँदै आइरहेको छ । त्यसैको परिणाम सुनसरीमा हिन्दु–मुस्लिमबिच झगडा हुनु वा साम्प्रदायिक दङ्गा भड्किन गएको छ ।
अर्कोतर्फ, सरकार वा प्रशासनले त्यस प्रकारका घटनालाई नियन्त्रण वा मेलमिलाप गराउनुको सट्टा गोली चलाएर मानिसको हत्या गरेर अझै घटनालाई उत्तेजित पार्ने काम भएको छ । यसले गर्दा देशमा धार्मिक असहिष्ण्ॉता बढ्दै जाने र अशान्तिपूर्ण वातावरण सिर्जना भएको छ ।
निश्चय नै यस घटनाको जिम्मेवारी नैतिक रूपले गृहमन्त्री र प्रधानमन्त्रीले लिनुपर्दछ । उक्त घटना घटाउन जुन जुन पक्षले काम गरिहेका छन्, त्यसको निष्पक्ष छानबिन र कारबाही हुनुपर्ने आवश्यकता छ । सरकार र प्रशासनले घनाको जिम्मेवारी लिनुको सट्टा परिस्थितिलाई अलपत्र हुन दिइरहने यो गैरजिम्मेवारी तरिका तुरुन्त अन्त गर्नुपर्दछ ।”
