काठमाडौँ । सत्तारूढ दल राष्ट्रिय स्वतन्त्र पार्टीका सभापति रवि लामिछाने चीन भ्रमणमा जाने भएका छन् । चिनियाँ कम्युनिस्ट पार्टीको निमन्त्रणमा उनी चीन भ्रमणमा जाने भएका हुन् ।
परराष्ट्र मन्त्रालयका एक अधिकारीका अनुसार सभापति लामिछानेको भ्रमण पार्टीगत हो तर त्यसमा परराष्ट्र मन्त्रालयले पनि समन्वय गरिरहेको छ ।
भ्रमण साउनमा हुने कि भदौमा भन्नेबारे अन्तिम टुङ्गो लाग्न बाँकी छ । दुवैतर्फको समन्वयमा मिति तय हुने बताउँदै उनले त्यसमा पनि मिति सरकारी तहबाट भन्दा पार्टी तहबाट हुने बताए ।
यसअघि सभापति लामिछाने भारतीय जनता पार्टीको निमन्त्रणमा पाँच दिने भ्रमण पूरा गरी जेठ २२ गते स्वदेश फर्केका थिए । भारतबाट फर्केलगतै सभापति लामिछानेलाई चीन भ्रमणको निम्तो आएको थियो ।
सोही निम्तोअनुसार उनी चीन भ्रमण जान लागेको बताइएको छ । रास्वपाकै विदेश विभाग प्रमुख समेत रहेका परराष्ट्र मन्त्री शिशिर खनालले जेठको अन्तिम सात चीन भ्रमण गरेका थिए ।
