इलाम । राष्ट्रिय जनमोर्चाले इलामको माङसेबुङ गाउँपालिका वडा नं ४ मा संगठन विस्तार गरेको छ । शनिबार सम्पन्न एक भेलाले ९ सदस्यीय वडा भेला आयोजक समिति गठन गरेको हो ।
समितिको संयोजकमा उदय सुब्बा रहनुभएको छ भने सदस्यहरुमा सन बहादुर राई, बुङरानी तुम्सा, फबिन लिम्बु, मिलन सुब्बा, सन्देश राई, रोशन देवान, सम्झना लिम्बु, प्रितम राई रहनुभएको छ ।
कार्यक्रममा अखिल (छैठौं) का केन्द्रीय सदस्य बबिन बान्तवा र जनजाती सम्मेलनका केन्द्रीय सदस्य हर्क लावतीले प्रशिक्षण दिनुभएको थियो ।
यसैबीच राजमोले माङसेबुङ र चुलाचुली गाउँपालिकाको सिमानामा रहेको पर्यटकीय क्षेत्र अमरचुली (झण्डेडाँडा) को विकासमा जोड दिएको छ । विभिन्न जनवर्गीय संगठनका प्रतिनिधि सम्मिलित अवलोकन कार्यक्रमपछि राजमोले पर्यटकीय क्षेत्र झण्डेडाँडाको प्रचार र विकास हुन सके इलामको पर्यटन प्रवर्द्धन हुन सक्ने सम्भावना औंल्याएको हो ।
अखिल नेपाल युवक संघका जिल्ला उपाध्यक्ष उदय तुम्साको अध्यक्षतामा भएको कार्यक्रममा अखिल (छैठौं) का केन्द्रीय सदस्य बविन बान्तवा, जनजाती सम्मेलनका केन्द्रीय सदस्य हर्क लावतीलगायत नेताहरुले प्रकाश पार्नुभएको थियो ।
युवक संघका जिल्ला सचिव बुद्धरानी लिम्बुले स्वागत गर्नुभएको कार्यक्रमको सञ्चालन युवक संघका प्रदेश कोषाध्यक्ष राजकुमार सम्बाहाम्फेले गर्नुभएको थियो ।
