काठमाडौँ । गणतन्त्र दिवसको सन्दर्भ पारेर भूमिहीन सुकुमबासी तथा अव्यवस्थित बसोबासीले ‘भूमिहीन सुकुमबासी मार्च’ गरेका छन्।
विकल्पविना राज्यले चलाएको संवेदनाहीन डोजर आतङ्कविरुद्ध उनीहरूले सडक प्रदर्शन गरेका हुन्।

मार्चमा सहभागीहरूले ‘गणतन्त्र जिन्दाबाद’ लगायतका नारा लगाएका थिए। संयुक्त राष्ट्रिय सुकुमबासी, नागरिक आन्दोलन र जेनजी मुभमेन्ट अलायन्सले संयुक्त रूपमा उक्त मार्चको आयोजना गरेका हुन्।

आफ्नो थातथलोबाट विकल्पविना हटाउन खोजिएको भन्दै विरोधमा उत्रिएका उनीहरूको मार्च माइतीघरबाट सुरु भई बिजुलीबजार हुँदै नयाँ बानेश्वरसम्म पुगेको छ।

प्रदर्शनकारीहरूले राज्यले आफूहरूमाथि अमानवीय व्यवहार गरेको भन्दै तत्काल उचित विकल्पसहितको व्यवस्थापन गर्न माग गरेका छन्।