बेंगलोर । मूल प्रवाह अखलि भारत नेपाली एकता समाज बेंगलोर उत्तर तथा दक्षिण नगर समितिको संयुक्त आयोजनामा २४ मे २०२६ मा एकदिने प्रशिक्षण कार्यक्रम सम्पन्न भएको छ ।
कार्यक्रम दक्षिण नगर समतिकिा सचवि दानबहादुर पहरीको सञ्चालन तथा उत्तर नगर समितिका सचिव तिलक केसीको अध्यक्षतामा सम्पन्न भएको थियो । कार्यक्रममा प्रमुख अतिथिका रूपमा मूल प्रवाह अखिल भारत नेपाली एकता समाजका केन्द्रीय अध्यक्ष प्रेम पौडेल उपस्थित हुनुहुन्थ्यो ।
त्यसैगरी केन्द्रीय सदस्य नरेश कुमार विक, दक्षिण भारत क्षेत्रीय उपाध्यक्ष सदरथ विक, सदस्यहरू धर्म पहरी, मानबहादुर विक, रमेशराम विक तथा दक्षिण भारत क्षेत्रीय महिला विभाग सदस्य दुरा पहरीले अतिथि आसन ग्रहण गर्नुभएको थियो ।
कार्यक्रमको प्रारम्भमा ज्ञात–अज्ञात सहिदहरूको सम्मानमा एक मिनेट मौनधारण गरिएको थियो । उपस्थति सम्पूर्णलाई उत्तर नगर समितिका अध्यक्ष ओमबहादुर दाहालले स्वागत मन्तव्यद्वारा स्वागत गर्नुभएको थियो भने रक्तिम सांस्कृतकि विभागले गीतमार्फत स्वागत प्रस्तुत गरेको थियो ।
प्रमुख अतिथि केन्द्रीय अध्यक्ष प्रेम पौडेलले दीप प्रज्वलन गरी कार्यक्रम उद्घाटन गर्नुभएको थियो । उहाँले शुभकामना मन्तव्य व्यक्त गर्दै प्रशक्षिणका क्रममा जातभात, सानो–ठूलो, धर्म, वर्ग तथा महिला–पुरुष बिचको विभेद कसरी र कसद्वारा सर्जिना गरिएको हो भन्ने विषयमा स्पष्ट पार्नुभएको थियो ।
साथै उहाँले मूल प्रवाह अखिल भारत नेपाली एकता समाजको स्थापना भारतमा कहिले र कसले गरेको हो भन्नेबारे जानकारी दिनुका साथै देशको वर्तमान राजनीतिक अवस्था र परिस्थितिबारे पनि धारणा राख्नुभएको थियो ।
अन्य अतिथिहरूले पनि आ–आफ्नो तर्फबाट शुभकामना मन्तव्य व्यक्त गर्नुभएको थियो । कार्यक्रममा सहभागी सम्पूर्णलाई दक्षिण नगर समितिकी सदस्य राजुदेवी विकले धन्यवाद ज्ञापन गर्नुभएको थियो । अन्त्यमा सभाका अध्यक्ष तिलक केसीले कार्यक्रम समापन भएको घोषणा गर्नुभएको थियो ।
