हिसार । पाल्पा जिल्ला रैनादेवी छहरा गाउँपालिका वडा नं. २ सोमादी घर भएका ताराबहादुर परियारको भारतको हिसारमा निधन भएपछि मूल प्रवाह अखिल भारत नेपाली एकता समाजले दाहसंस्कार गरेको छ ।
हिसारको जिन्दल रोलिङ मिलमा करिब १५ वर्षदेखि जागिर गरी जीविका चलाउँदै आएका परियारको जुन ६, २०२६ तदनुसार २०८३ वैशाख २३ गते निधन भएको थियो ।
गत अप्रिल ११ को साँझ ४ बजेतिर कामको दौरान मसिनमा विस्फोट हुँदा पाँच जना मजदुर गम्भीर घाइते हुने क्रममा परियार पनि त्यसमध्ये एक थिए । उनको गत २५ दिनदेखि जिन्दल हस्पिटलमा उपचार चलिरहेको थियो । उपचारकै दौरान जुन ६ का दिन उनको मृत्यु भएको जानकारी डाक्टरले दिएका थिए ।
घटनाको जानकारी पाएपछि मूल प्रवाहका केन्द्रीय सदस्य तारा सोमरे, केन्द्रीय परिषद् सदस्य केहरसिंह घर्तीमगर, नगर समितिका सदस्य नन्दबहादुर लम्तरी, चन्द्र गैरे, रामु भुर्तेललगायतका साथीहरू पीडित परिवारमाझ पुगेका थिए ।
घटनास्थलनजिकको सेक्टर ९/११ पुलिसथानामा सम्पर्क गरेपछि प्रशासन आवश्यक सहयोग गरेको मूल प्रवाहले जनाएको छ । त्यस क्रममा फ्याक्ट्री म्यानेजरसँग आर्थिक राहतको बारेमा सहमति भएको थियो । त्यसपछि मात्रै स्थानीय नागरिक अस्पतालमा पोस्टमार्टमपछि निजको दाहसंस्कार गरिएको थियो ।
