दिल्ली । बालेन सरकार जनादेशको अपमान गर्दै अधिनायकवाद तर्फ उन्मुख भएको ठाकुर खनालले बताउनु भएको छ ।

मूल प्रवाह अखिल भारत नेपाली एकता समाजका केन्द्रीय सल्लाहकार ठाकुर खनालले दिल्ली नगर समितिको आयोजनामा सम्पन्न १३७औँ अन्तर्राष्ट्रिय श्रमिक दिवसमा मन्तव्यमा सो धारणा राख्नुभएको हो । खनालले बालेन सरकारले देशबाट श्रमजिवी वर्गलाई विस्थापित गर्दै अधिनायकवादतर्फ उन्मुख भएको बताउनु भयो ।

उहाँले मई दिवशको ऐतिहासिक घटनाक्रमाथि प्रकाश पार्दै यो समाजमा भएको शोषणको विरूद्धको विद्रोह भएको बताउनु भयो । समाजको विकास वर्ग संर्घषको क्रममा भएको खनालको भनाई थियो ।

मई दिवशको कार्यक्रम सामान्य औपचारिकता निभाउनु भन्दा पनि मई दिशका सहिदहरूको बलिदानलाई स्मरण गर्दै समाजमा व्याप्त रहेको शोषण, दमन, भेदभावको अन्त गर्ने आन्दोलनसँग जोडेर लैजानु पर्ने खनालको भनाई थियो ।