खिमराज चालीसे
चंडिगढ । भारतको चन्डिगढमा मूल प्रवाह अखिल भारत नेपाली एकता समाजको आयोजनामा १३७औँ अन्तर्राष्ट्रिय श्रमिक दिवसको कार्यक्रम सम्पन्न भएको छ।
सभामा मजदुर आन्दोलनको ऐतिहासिक महत्व तथा मजदुर आन्दोलनलाई वर्गिय आन्दोलनमा रुपान्तरणको आवश्यकता बारे विचार राख्दै प्रमुख अतिथिको आशनबाट मूल प्रवाहका केन्द्रीय सचिवालय सदस्य दिनेश खडकाले सम्वोधन गर्नु भएको थियो ।
उक्त सभामा बोल्ने अन्य वक्ताहरूमा मूल प्रवाह केन्द्रीय सदस्य एंव नेपाली समाचार संयोजक खिमराज चालिसे, सुदुर पश्चीमोत्तर क्षेत्रीय सदस्य एवं सांस्कृतिक विभाग संयोजक जुना भन्डारी चालिसे, मूल प्रवाह सुदुर पश्चिमोत्तर क्षेत्रीय सहसचिव तेज बहादुर रोका, सास्कृतिक विभागका केन्द्रीय सदस्य बिनु नेपाली, केन्द्रीय परिषद सदस्य थमन थापा, विध्यार्थी संघ केन्द्रीय सदस्य नारायण आचार्य लगाएत हुनुहुन्थ्यो।
कार्यक्रम मान बहादुर केसीको अध्यक्षता तथा थानेश्वर पान्डेको सञ्चालनमा सम्पन्न भएको हो भने ज्ञात अज्ञात शहीदहरूप्रति एक मिनट मौनधारण पश्चात बिष्णु बेल्बासेले स्वागत गर्नुभएको थियो ।
