खिमराज चालिसे
केरला, कोचिन । भारतस्थित नेपालीहरूको विचमा स्थापना कालदेखि नै अभिभावकको भुमिका निर्वाह गर्दै आईरहेको मूल प्रवाहले केरल राज्यको कोचिनमा सुरज पाख्रीनको दाह–संस्कार गरि पुनः अभिभावकिय भुमिका निर्वाह गरेको छ ।
रोजगारीको सिलसिलामा दक्षिणभारतको केरल कोचिनमा आएका बेथानचोक गाउपालिका ६ काभ्रेपलान्चोक निवासी बुबा घनश्याम पाख्रीनका छोरा सुरज पाख्रीन यही अप्रेल १९, २०२६ का दिन केरलको त्रिशुर मेडिकलकलेजमा निधन भएको थाहा पाउने वित्तीकै मूल प्रवाहले आफन्तलाई खोजीको लागि अभियान नै चलाएको थियो ।
उक्त अभियानको क्रममा परिवार तथा पालिकासँग सम्पर्क पनि भयो तर उनको घरको आर्थिक स्थिति कमजोर भएको र भारतमा आउन जानसम्म भाडा खर्च गर्न नसक्ने स्थिति बताउँदै परिवारले पालीकाबाट मूल प्रवाहलाई सुरज पाख्रीनको संस्कार गरीदिन अनुरोध गरे अनुसार कानुनी प्रकृया मिलाई मूल प्रवाहले संस्कार गरेको हो ।
सुरज पाख्रीनको शवलाई मूल प्रवाह अखिल भारत नेपाली एकता समाज दक्षिण भारत क्षेत्रीय सदस्य तथा कोचिन नगर अध्यक्ष बाबुराम केसी, सदस्य जनक बिसी, नगर प्रतिनिधी गणेश शर्मा, आलुवाबाट जितराम गुरूङ र एलुरबाट भुमिराज कंडेलको सकृयता तथा उपस्थितमा हिजो २९ अप्रेल २०२६ का दिन भारतको त्रिशुर जिल्ला र शोरणुर जिल्लाको बिच पामपाडीमा अन्तिम संस्कार गरिएको जनक बिसीले बताउनु भएको छ ।
