दाङ देउखुरी । राष्ट्रिय जनमोर्चाका जेष्ठ सदस्य राप्ती गा पा–३, ६५ न. निवासी झिंगिया चौधरीको निधन भएको छ । उहाँको ०८३ वैशाख ९ का दिन ७२ बर्षको उमेरमा निधन भएको हो ।

उहाँ अत्यन्तै इमान्दार, कर्तव्य निष्ठ, शान्त स्वभाव कि धनि हुनुहुन्थो । साथै गत २०४६ सालको देशको राजनैतिक परिवर्तनबाटै अखिल नेपाल किसान संघ, अनेराजमो हुँदै मृत्यु प्रयन्त राष्ट्रिय जनमोर्चाको साधारण सदस्य हुनुहुन्थ्यो ।

उहाँ सर्वसाधारण किसान भएर पनि अन्याय, अत्याचार, शोषण, दमनका विरुद्धमा उभिनु हुन्थ्यो । त्यसताका किसानहरूले दिनभर जमिन्दारको खेतमा काम गर्न पर्ने र किसानहरूलाई दिउसो समय नमिल्ने हुँदा रातको समयमा उहाँले सुकुम्बासी बस्तीमा रक्तिम सांस्कृतिक परिवारको टोलि लिएर पुग्नु हुन्थ्यो ।

सांझदेखि मध्यरातसम्म किसानहरूको चेतनास्तर उठाउने गरी जनवादी कलाकारहरूद्वारा सांस्कृतिक कार्यक्रमहरू उहाँहरूकै स्थानीय साथ सहयोग र प्रेरणाबाट सञ्चालित हुने गर्दथे । उहाँको राष्ट्रिय जनमोर्चाप्रतिको दृढ आशा र भरोसा मृत्युु प्रयन्त कायम रह्यो ।