बागलुङ । करिब चार महिना लामो लकडाउन खुलेसँगै राष्ट्रिय जनमोर्चाले संगठन निर्माण अभियानलाई फेरि सुचारु गरेको छ । यसै क्रममा बागलुङ जिल्लाको ढोरपाटन नगरपालिका–४ मा संगठन पुनर्गठन गरिएको छ ।
राजमो ढोरपाटन नगरसमितिका अनुसार वडा समिति पुनर्गठनका साथै विभिन्न टोलमा राजमो र अन्य जनवर्गीय संगठनका समितिहरु निर्माण गर्न अभियान सुरु गरिएको छ । सो वडामा सम्पन्न एक भेलाले खडकबहादुर कुँवरको अध्यक्षतामा राजमो वडा समिति गठन गरेको छ ।
समितिको उपाध्यक्षमा चन्द्रबहादुर बुढाथोकी, सचिव कूलबहादुर छन्त्याल, कोषाध्यक्ष ईन्द्रमान छन्त्याल तथा सदस्यहरुमा रनप्रसाद विक, झुकबहादुर सार्की, दिलबहादुर पुन, लालबहादुर गोतामे, श्यामबहादुर गोतामे, वीरबहादुर छन्त्याल, ललित गोतामे र तुलबहादुर छन्त्याल रहनुभएको छ ।
१३ सदस्यीय समितिमा एक स्थान रिक्त छ । भेलाले शक्तमान बुढाथोकी, चन्द्रलाल पुरी र दीपक छन्त्याललाई सल्लाहकार चयन गरेको छ ।
कार्यक्रममा राजमो जिल्ला सल्लाहकार गौरीश्वर पाण्डेले उपस्थित नेता कार्यकर्ताहरुलाई प्रशिक्षण दिनुभएको थियो । समितिका कोषाध्यक्ष इन्द्रमान छन्त्यालका अनुसार भेलाले सदस्यता वितरण, संगठन विस्तार र प्रशिक्षण कार्यक्रम सञ्चालन गर्ने निर्णय गरेको छ ।
यसै शिलशिलामा राजमोले धिरि सुवाखोला आरनटोलमा लालबहादुर गोतामेको अध्यक्षतामा टोल समिति गठन गरेको छ । यस्तै, फलामखानी टोलमा झकबहादुर विकको अध्यक्षतामा अर्को टोल समिति निर्माण गरिएको छ । यी दुवै टोलमा अखिल नेपाल युवक संघको समेत समिति निर्माण भएको छ ।
