काठमाडौँ । मूल प्रवाह अखिल भारत नेपाली एकता समाजका केन्द्रीय सदस्य नरेश कुमार विक र दक्षिण भारत क्षेत्रीय समितिका सल्लाहकार रमेशराम विक मातृक शोकमा पर्नुभएको छ ।
उहाँहरूकी ममतामयी आमा चुनी देवी बिकको ७२ वर्षको उमेरमा हिजो चैत २९ गते कैलाली धनगढी उपमहानगर पालिका अत्तरियास्थित रहेको आफ्नै निवासस्थान निधन भएको हो । पारिवारिक श्रोतका अनुसार उहाँको हृदयघातका कारण निधन भएको हो ।
यसै बीच समाजका केन्द्रीय अध्यक्ष प्रेम पौडेलले एक शोक वक्तव्य जारी गर्नुभएको छ । पौडेलले शोक वक्तव्यमार्फत आमा चुनी देवी बिकप्रति श्रद्धाञ्जली अर्पण गर्दै शोकाकुल परिवारजनमा समवेदना प्रकट गर्नुभएको छ ।
वक्तव्यमा लेखिएको छ :
‘मूल प्रवाह अखिल भारत नेपाली एकता समाज केन्द्रीय समिति सदस्य नरेश कुमार बिक तथा दक्षिण भारत क्षेत्रीय समिति सल्लाहकार तथा बैंगलोर दक्षिणका कोषाध्यक्ष रमेशराम बिक मातृशोकमा पर्नु भएको छ । उहाँहरूकी आमा चुनी देवी बिकको ७२ वर्षको उमेरमा हिजो चैत २९ गते कैलाली जिल्ला धनगढी उपमहानगर पालिका अत्तरीया स्थित आफ्नो निवास स्थानमा हृदयघातका कारण दुःखद निधन भएको छ । वहाँ मुटुको रोगबाट ग्रसित हुनुहुन्थ्यो र गरिमा हस्पिटल अत्तरीयामा उपचारको क्रममा डाक्टरहरूको सुझावमा थप चेकअपको लागि ६ अप्रेल २०२६ कादिन एम्स अस्पालमा दिल्ली समेत ल्याउनु भएको थियो । डाक्टरहरूले पहिले नै मेजर स्ट्रोक भैसकेको हुनाले रिकवर हुने सम्भावना अत्यन्तै न्यून भएको जानकारी गराएका थिए ।
मूल प्रवाह अखिल भारत नेपाली एकता समाज केन्द्रीय समिति आमा चुनी देवी बिकप्रति हार्दिक श्रद्धाञ्जली अर्पण गर्दछ । साथै नरेश कुमार बिक–रमेशराम बिक सहित सम्पूर्ण शोकाकुल परिवारजनमा समवेदना प्रकट गर्दछ ।’
