खिमराज चालिसे
मनाली । मूल प्रवाह अखिल भारत नेपाली एकता समाज मनाली नगर समितिको दोश्रो बैठक सम्पन्न भएको छ । ०५ अप्रेल २०२६ का दिन सम्पन्न बैठकले संगठनलाई अझै सशक्त, उर्जाशिल र जनताको बिचमा घनिभुत बनाउने निर्णय गरेको छ ।
बैठकले कतिपय कार्यकर्ताहरूको जिम्मामा समेत परिवर्तन गरेको छ । नगर अध्यक्ष रतनलाल पुनको अध्यक्षता तथा केन्द्रीय सदस्य एवं राज्य समितिका अध्यक्ष बिरु श्रेष्ठ र राज्य समितिका कोषाध्यक्ष सिताराम बुढाको विषेश उपस्थितिमा सम्पन्न प्रशिक्षणात्मक बैठक सम्पन्न भएको हो ।
नगर अध्यक्ष रतनलाल पुनले दिनुभएको जानकारी अनुसार सम्मेलनले महिला संयोजकको जिम्मा तय नगरिएको हुँदा उपाध्यक्ष कमला शाहीलाई महिला संयोजकमा चयन गरिएको छ । नगर समितिमा शाही सदस्य रहनुहुने छ । त्यस्तै नगर उपाध्यक्षमा कुमार लामालाई पदोन्नत गर्ने साथै सहसचिवमा शेर बहादुरलाई पदोन्नत गरेको पुनले जानकारी दिनुभयो ।
सम्मेलनले गरेका अन्य सबै निर्णय र चुनिएका सबै कार्यकर्ताहरूको जिम्मा पद र स्थान यथावत रहेको पुनले बताउनु भयो ।
