खिमराज चालिसे
भारत । भारतको पंजाब राज्यको बठिंडामा हिजो आईतवार अप्रेल ५, २०२६ को रामपुरा फुल एरियाको १२औँ एरिया सम्मेलन भव्य रुपमा सम्पन्न भएको छ ।
मूल प्रवाहका महासचिव त्रिभुवन भट्टराईले करतार ध्वनिमा व्यानर खोलेर उद्घाटन गर्नुभएको सो समारोहमा भट्टराईले मूल प्रवाहले भारतस्थित नेपालीहरूको हकहितको पक्षमा अडिग रहेर एकता सद्भावको विकास गरिरहेको बताउनु भयो ।
१२औँ एरिया सम्मेलनद्वारा निर्वाचित कार्यकारिणीको प्यानल क्षेत्रीय साँस्कृतिक सदस्य राजु खनालले प्रस्तुत गर्नु भएको थियो । एरिया सम्मेलनले कृष्ण नेपालीको अध्यक्षतामा ११ पुर्ण ३ वैकल्पिक ३ सल्लाहकार गरि १७ सदस्यीय एरिया समितिको निर्माण गरेको छ ।
जसमा उपाध्यक्ष सन्त नेपाली, सचिव कमल भण्डारी, सहसचिव जित बहादुर नेपाली, कोषाध्यक्ष लंक नेपाली रहनु भएको छ । यसैगरी पुर्ण सदस्यहरूमा पुर्ण बराई, रामु पाण्डे, बाबुराम भट्टराई, भुपाल पुलामी, लाल बहादुर भण्डारी, चन्द्रबहादुर नेपाली रहनु भएको छ भने बैकल्पिक सदस्यहरू, बिष्णु नेपाली र राम बहादुर नेपाली, रोसन पल्ली, सल्लाहकारहरूमा बेद बहादुर कुमाल, सन्जे घर्ती मगर र मोहन आले रहनु भएको छ ।
नवनिर्वाचित समितिलाई वधाई एवं शुभकामना दिने वक्ताहरूमा मूल प्रवाहका केन्द्रीय सदस्य नरबहादुर ओली, सुदुर पश्चिमोत्तर क्षेत्रीय सदस्य जागेश्वर न्यौपाने, महिला क्षेत्रीय सदस्य मन्जु शर्मा, क्षेत्रीय सदस्य नारायण भुसाल, नगरका गणेश पोख्रेल, बिष्णु न्यौंपाने, नारायण केसी, माया ओली, खिमा खड्का लगायत हुनुहुन्थ्यो ।
कार्यक्रम लंक बहादुर नेपालीको अध्यक्षतामा तथा नर बहादुर मरन्ठानीको सञ्चालनमा सम्पन्न भएको हो भने ज्ञात अज्ञात शहिदहरूप्रति मौनधारण पश्चात कमल भण्डारी र साँस्कृतिक कलाकारहरूले स्वागत गर्नु भएको थियो ।
